პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე რატი იონათამიშვილი 12 მაისის ღამით გამართული საპროტესტო აქციის ვიდეოს აზიარებს, რომელშიც ჩანს, თუ როგორ აყენებს ამერიკელი ინსტრუქტორი სამართალდამცველს შეურაცხყოფას.
„აკერმანის კლასიკა“. ამ ვიდეოზე ძალიან კარგად ჩანს, როგორ აყენებს ამერიკელი ინსტრუქტორი პოლიციას შეურაცხყოფას, რითაც ინციდენტი იწყება და როგორი რეაქცია აქვთ მომიტინგეებს თავიანთი ინსტრუქტორის დაკავებაზე! აკერმანის სახელმძღვანელოში ამოკითხული პროვოკაციაც შედგა, საბედნიეროდ არა ისეთი, რითაც საბოლოო შედეგზე გადიან-ხოლმე…ამაზე მკაფიო და ნათელი არაფერი შეიძლება იყოს!“ – წერს იონათამიშვილი სოციალურ ქსელში.