თბილისის საქალაქო სასამართლომ საქართველოს სახელმწიფო საზღვრის უკანონო კვეთის საქმეზე საქართველოს ექსპრეზიდენტი მიხეილ სააკაშვილი დამნაშავედ ცნო.
სააკაშვილს სასჯელის ზომად 4 წელი და 6 თვე განესაზღვრა. მოსამართლემ განაჩენთა ერთობლიობით სააკაშვილს სასჯელის ვადად 12 წლითა და 6 თვით პატიმრობა მიუსაჯა.
განაჩენი მოსამართლე მიხეილ ჯინჯოლიამ თბილისის საქალაქო სასამართლოში 17 მარტს გამოაცხადა.
სააკაშვილი საზღვრის უკანონო კვეთის ბრალდებით საქართველოს შინაგან საქმეთა სამინისტრომ 2021 წლის პირველ ოქტომბერს დააკავა.
ამასთან, თბილისის საქალაქო სასამართლომ 12 მარტს, დიდი ოდენობით საბიუჯეტო სახსრების გაფლანგვის საქმეზე, მიხეილ სააკაშვილს ცხრა წლით თავისუფლების აღკვეთა მიუსაჯა.