ბატონი კაროლი არის უაღრესად წესიერი, განათლებული, კონსერვატორული შეხედულებების მქონე, პოლონეთის პატრიოტი ადამიანი, რომელსაც მთელი რიგი მიზეზების გამო, პოლონეთის მოსახლეობის დიდმა ნაწილმა მხარი დაუჭირა, – წერს გიორგი გამსახურდია პოლონეთის ახალ პრეზიდენტზე კაროლ ნავროცკიზე სოციალურ ქსელში.
მისი განცხადებით, პოლონეთის ახალი პრეზიდენტისთვის, მიუღებელია „დიფ სთეითის“ მითითებები და ყველაფერი, რაც ანტიპოლონურია. შესაბამისად, გამსახურდია მიიჩნევს, რომ ნავროცკის მიდგომა საქართველოსადმი იქნება ისეთი, როგორიც ქართველებისა და პოლონელების მეგობრობას შეეფერება.
„ოთხშაბათს პოლონეთის ახლადარჩეულმა პრეზიდენტმა, მისმა აღმატებულებამ, ბატონმა კაროლ ნავროცკიმ, აიღო საბოლოო დამადასტურებელი საბუთი პოლონეთის ცენტრალური საარჩევნო კომისიიდან, რომელიც მოწმობს მასზედ, რომ იგი პოლონეთის არჩეული პრეზიდენტია. ბატონი კაროლი არის უაღრესად წესიერი, განათლებული, კონსერვატორული შეხედულებების მქონე, პოლონეთის პატრიოტი ადამიანი, რომელსაც მთელი რიგი მიზეზების გამო, პოლონეთის მოსახლეობის დიდმა ნაწილმა მხარი დაუჭირა. ამ ადამიანის უამრავი პატრიოტული და დადებითი თვისებებიდან გამომდინარე, დარწმუნებული ვარ, რომ მისი მიდგომა საქართველოსადმი იქნება ისეთი, როგორიც შეეფერება ჩვენი ხალხების ისტორიულ ძმობასა და მეგობრობას. მისთვის, ისევე, როგორც ჩვენთვის, მიუღებელია ყველაფერი ანტიპოლონური და „დიფ სთეითის“ მითითებები. წარმატებები მას, მის მეუღლე მარტას და მის ყველა თანამოაზრეს“, – წერს გიორგი გამსახურდია.