ევროპის ცენტრალური ბანკის (ECB) ყოფილმა ხელმძღვანელმა და იტალიის ყოფილმა პრემიერ-მინისტრმა, მარიო დრაგიმ განაცხადა, რომ 2025 წლის მოვლენებმა სასტიკი სიმართლე გამოავლინა: ევროკავშირს აღარ შეუძლია დაიჯეროს, რომ მისი დიდი ეკონომიკა მას გლობალურ ძალაუფლებასა და გავლენას ანიჭებს,- ამის შესახებ გამოცემა „ბლუმბერგი“ წერს.
„ეს წელი დამახსოვრებული იქნება როგორც წელი, როდესაც ეს ილუზია აორთქლდა“, – განაცხადა ევროპის ცენტრალური ბანკის ყოფილმა პრეზიდენტმა და იტალიის ყოფილმა პრემიერ-მინისტრმა ქალაქ რიმინიში სიტყვით გამოსვლისას.
„ჩვენ მოგვიწია შეგუება ჩვენი უდიდესი სავაჭრო პარტნიორისა და დიდი ხნის მოკავშირის, შეერთებული შტატების მიერ დაწესებულ ტარიფებზე“, – თქვა მან რომაელი კათოლიკე საერო პირების ყოველწლიურ შეკრებაზე და დასძინა, რომ იმავე მოკავშირემ ზეწოლა მოახდინა სამხედრო ხარჯების გაზრდისკენ, იმ გზებითა და ფორმებით, „რომლებიც, სავარაუდოდ, არ ასახავს ევროპის ინტერესებს“.
დრაგიმ ევროკავშირს ირანსა და ღაზაში კონფლიქტების „მაყურებელი“ უწოდა და განაცხადა, რომ ბლოკმა „შედარებით უმნიშვნელო როლი“ ითამაშა უკრაინაში ომის დასრულების სამშვიდობო მოლაპარაკებებში, მიუხედავად იმისა, რომ ყველაზე მეტი წვლილი შეიტანა ქვეყნის დახმარებაში და ყველაზე დიდ ინტერესს ავლენს „სამართლიანი მშვიდობის“ მიმართ.
ამასთან, გამოცემა „პოლიტიკო“ ციტირებს დრაგის სიტყვებს ევროპის მიერ ამჟამად არსებული მოთხოვნების მორგების აუცილებლობასთან დაკავშირებით.
„ევროპა ცუდად არის აღჭურვილი სამყაროში, სადაც გეოეკონომიკა, უსაფრთხოება და მიწოდების წყაროების სტაბილურობა, ეფექტიანობის ნაცვლად, საერთაშორისო სავაჭრო ურთიერთობებისგან არის შთაგონებული“ – განაცხადა იტალიის ყოფილმა პრემიერ-მინისტრმა და აღნიშნა: „ჩვენი პოლიტიკური ორგანიზაცია უნდა მოერგოს თავისი დროის მოთხოვნებს, როდესაც ისინი ეგზისტენციალურია“.
გამოცემის ცნობით, ეს მნიშვნელოვანი გამოწვევა ტრამპის „სასტიკი გამოფხიზლების ზარიდან“ მომდინარეობს.