„ხანდაზმულმა თაღლითებმა სერიოზული რეპუტაციული, ეკონომიკური და პოლიტიკური ზიანი მიაყენეს საქართველოს, მის საერთაშორისო იმიჯს, რითაც ანაკლიის პორტის განვითარება მნიშვნელოვნად შეფერხდა“, – განაცხადა საპარლამენტო პოლიტიკური ჯგუფის „ევროპელი სოციალისტების“ წევრმა ვლადიმერ ბოჟაძემ მამუკა ხაზარაძესა და ბადრი ჯაფარიძეზე.
ბოჟაძის განცხადებით, პარიზისა და ვაშინგტონის არბიტრაჟში მოგებული დავა დასტურია იმისა, რომ საქართველოს ხელისუფლებამ ყველაფერი გააკეთა ანაკლიის პორტის აშენებისთვის, ხოლო ხაზარაძე-ჯაფარიძის მიერ ვალდებულებების შეუსრულებლობის გამო პორტის ამოქმედება 8 წლით გადაიდო.
„ხანდაზმულმა თაღლითებმა სერიოზული რეპუტაციული, ეკონომიკური და პოლიტიკური ზიანი მიაყენეს საქართველოს, მის საერთაშორისო იმიჯს, რითაც ანაკლიის პორტის განვითარება მნიშვნელოვნად შეფერხდა. ჯერ პარიზის და შემდგომ ვაშინგტონის არბიტრაჟში მოგებული დავა იმას ადასტურებს, რომ საქართველოს ხელისუფლებამ ყველაფერი გააკეთა პორტის აშენებისთვის, ხოლო ხაზარაძე-ჯაფარიძის კონსორციუმმა არ შეასრულა ვალდებულებები, რის გამოც პორტის ამოქმედება 8 წლით გადაიდო. ანაკლიის პორტის მშენებლობა აქტიურ ფაზაშია და სხვა მნიშვნელოვან ინფრასტრუქტურულ პროექტებთან ერთად ხელს შეუწყობს ჩვენი ქვეყნის განვითარებას”, – წერს ვლადიმერ ბოჟაძე.