უსწორესი გადაწყვეტილება მიიღო პრეზიდენტმა ყაველაშვილმა და შეიწყალა კანონების უპატივცემელი “ლელოს” ლიდერები, რითაც ბოლომდე გამორიცხა მახინჯი ინსინუაციებიც მათ ე.წ. წინასაარჩევნო შეზღუდვაზე. ე.წ. “რუსულ რეჟიმთან” ვითომ ბოიკოტში მყოფი მამუკა ხაზარაძე და ბადრი ჯაფარიძე ე.წ. რუსულ ცესკოს 2014-ის საპარლამენტო არჩევნებისას არ ენდობოდნენ, ახლა კი რატომღაც ჩაერთვნენ რბოლაში მაზაკვალ გახარიასთან ერთად – წერს ანალიტიკოსი გია აბაშიძე სოციალურ ქსელში.
მისივე თქმით, ხაზარაძე-ჯაფარიძე ტრაგიკომიკური პერსონაჟები შარშანდელ ოფიციალურ შედეგებს ხან ენდობიან და ხან არა. თუმცა, წლევანდელ ადგილობრივ არჩევნებში, 64 ოლქიდან ორივე ფსევდოპარტიების ე.წ. ძლევამოსილმა რესურსებმა მხოლოდ 20-ში წარმოადგინეს კანდიდატები.
„უსწორესი გადაწყვეტილება მიიღო პრეზიდენტმა ყაველაშვილმა და შეიწყალა კანონების უპატივცემელი “ლელოს” ლიდერები, რითაც ბოლომდე გამორიცხა მახინჯი ინსინუაციებიც მათ ე.წ. წინასაარჩევნო შეზღუდვაზე. ე.წ. “რუსულ რეჟიმთან” ვითომ ბოიკოტში მყოფი მამუკა ხაზარაძე და ბადრი ჯაფარიძე ე.წ. რუსულ ცესკოს 2014-ის საპარლამენტო არჩევნებისას არ ენდობოდნენ, ახლა კი რატომღაც ჩაერთვნენ რბოლაში მაზაკვალ გახარიასთან ერთად. ხსენებული ტრაგიკომიკური პერსონაჟები შარშანდელ ოფიციალურ შედეგებს ხან ენდობიან და ხან არა.
თუმცა, წლევანდელ ადგილობრივ არჩევნებში, 64 ოლქიდან ორივე ფსევდოპარტიების ე.წ. ძლევამოსილმა რესურსებმა მხოლოდ 20-ში წარმოადგინეს კანდიდატები. საქართველოს პრეზიდენტმა მიხეილ ყაველაშვილმა ხაზარაძე-ჯაფარიძის შეწყალებაზე აღნიშნა: “გუშინ დასრულდა ადგილობრივი თვითმმართველობის არჩევნებისთვის საარჩევნო სუბიექტების რეგისტრაციის პროცესი. რეგისტრირებულ პოლიტიკურ გაერთიანებებს შორის არის ერთი პარტია – „ძლიერი საქართველო – ლელო“, რომლის ლიდერები ამჟამად კონკრეტული დანაშაულისთვის პენიტენციურ დაწესებულებაში იხდიან სასჯელს.
უდავოა, რომ ადგილობრივი თვითმმართველობის არჩევნები კონკურენტულ გარემოში მათი პატიმრობის პირობებშიც ჩატარდება. ამასთან, ხაზგასასმელია ის გარემოებაც, რომ საზოგადოდ, არჩევნები არ უნდა იქცეს ინდულგენციად არცერთი პოლიტიკოსისთვის, რომელიც დანაშაულს სჩადის. არც ის გარემოებაა მხედველობიდან გასაშვები, რომ ჩემს შეთავაზებას შეწყალების შესახებ შესაბამისმა პატიმრებმა რამდენიმე კვირის წინ უარით უპასუხეს, რითაც პრეზიდენტის ინსტიტუტისთვის შეურაცხყოფის მიყენება სცადეს. თუმცა, ყველა ზემოაღნიშნული გარემოების მიუხედავად, რათა არავის დარჩეს იმის თქმის საბაბიც კი, რომ ადგილობრივი თვითმმართველობის არჩევნები შეზღუდული კონკურენტუნარიანობის პირობებში ტარდება, მივიღე გადაწყვეტილება ორი მსჯავრდებულის – მამუკა ხაზარაძისა და ბადრი ჯაფარიძის შეწყალების თაობაზე. გამოვთქვამ იმედს, რომ მომავალში ისინი კანონის პატივისცემით განაგრძობენ პოლიტიკურ საქმიანობას. მოვუწოდებ ყველა საარჩევნო სუბიექტს, ხელი შეუწყოს ადგილობრივი თვითმმართველობის არჩევნების ჯანსაღ და მშვიდ გარემოში ჩატარებას. წარმატებებს ვუსურვებ ყველა საარჩევნო სუბიექტს, რომელიც ადგილობრივი თვითმმართველობის არჩევნებში მუნიციპალიტეტების განვითარებისა და მოსახლეობის ინტერესების რეალიზების გულწრფელი სულისკვეთებით მონაწილეობს” – წერს აბაშიძე.