„ტრამპმა ანტიფა გამოაცხადა ტერორისტულ ორგანიზაციად. ანტიფა არის ამერიკელი ულტრალიბერალი აქტივისტების ჯგუფი, აგრესიული, ხშირად ძალადობრივი ქმედებებით და აქციებით“, – წერს ეროვნული კინოცენტრის ფილმწარმოების დეპარტამენტის უფროსი ბაჩო ოდიშარია სოციალურ ქსელში.
მისი განცხადებით, ანტიფას „დაცვედანებულ კალკს“ წარმოადგენენ საქართველოში რადიკალი აქტივისტები, რომლებსაც „აკაცუკებად“ მოიხსენიებს.
ოდიშარია მიიჩნევს, რომ „აკაცუკებთანაც“ იგივე მიდგომა უნდა იყოს, როგორიც მათ საყვარელ თავისუფლების ქვეყანაში – ამერიკაში, ანტიფას მიმართ არის.
„ტრამპმა ანტიფა გამოაცხადა ტერორისტულ ორგანიზაციად. ანტიფა არის ამერიკელი ულტრალიბერალი აქტივისტების ჯგუფი, აგრესიული, ხშირად ძალადობრივი ქმედებებით და აქციებით. ირონიულად, დაჯგუფება, რომლის აბრევიატურაც არის ანტიფაშისტები, თავად არიან ფაშისტები, რადგან აქვთ სრული მიუღებლობა მათგან განსხვავებული აზრის, საზოგადოების, ამას გამოხატავენ ქაოსური, ექსტრემისტული ქმედებებით, ინფრასტრუქტურის განადგურებით, მათთვის მიუღებელი პოლიტიკური შეხედულების ადამიანებზე ფიზიკური თავდასხმებით, კიბერდანაშაულებით და ა.შ. მოკლედ, იგივეა, რაც ჩვენთან აკაცუკები, მხოლოდ ჩვენი აკაცუკები ანტიფას დაცვედანებული კალკია, მაგრამ მათთან მიდგომაც საჭიროა იყოს ისეთი, როგორიც ეს მათივე საყვარელ დემოკრატიის მექასა და თავისუფლების ქვეყანაში ხდება“, – წერს ბაჩო ოდიშარია.