„ქართული ოცნების“ ბოლნისის მუნიციპალიტეტის მერობის კანდიდატმა ზამურ ჭითანავამ, ქალაქ ბოლნისის მოსახლეობასთან მორიგი შეხვედრა გამართა.
ჭითანავა, ადგილობრივებს, ბოლნისის საკრებულოს მაჟორიტარობის კანდიდატ დავით ჯაფარიძესთან და „ქართული ოცნების“ ბოლნისის საკრებულოს პროპორციული სიის წევრებთან ერთად შეხვდა და სამომავლო გეგმები გააცნო.
„მიხარია, რომ კიდევ ერთხელ მომეცა შესაძლებლობა, პირდაპირ მესაუბრა ადამიანებთან, მომესმინა მათი სურვილები და პრიორიტეტები. ბოლნისის თითოეული ქუჩა და უბანი ჩემთვის მნიშვნელოვანია. ერთად აუცილებლად შევძლებთ, რომ ჩვენი ქალაქი კიდევ უფრო ძლიერი და კეთილმოწყობილი გახდეს“, – აღნიშნა ზამურ ჭითანავამ.