გარემოს დაცვისა და სოფლის მეურნეობის სამინისტროს შპს „საქართველოს მელიორაციამ“, ახალქალაქის მუნიციპალიტეტში, დილისკა-პტენა-ჩუნჩხას სარწყავი სისტემის სარემონტო ღონისძიებები დაიწყო.
ამ ეტაპზე მიმდინარეობს ტუმბო-აგრეგატების რეაბილიტაციის და 19.5 კილომეტრიანი მილსადენის სარემონტო სამუშაოები.
ჩატარებული ღონისძიებების შედეგად, გაუმჯობესდება სარწყავი წყლის მიწოდება და, საერთო ჯამში, ახალქალაქის მუნიციპალიტეტში წყალუზრუნველყოფილი იქნება 1320 ჰექტარი სასოფლო-სამეურნეო მიწის ფართობი.
მილსადენი მოემსახურება ახალქალაქის მუნიციპალიტეტის 3 სოფელს _ დილისკას, პტენასა და ჩუნჩხას.
დილისკა-პტენა-ჩუნჩხას სარწყავი სისტემის სატუმბ სადგურზე ტუმბო-აგრეგატებისა და მილსადენის სარემონტო სამუშაოები წლის ბოლომდე დასრულდება.