საქართველოს ეკონომიკისა და მდგრადი განვითარების სამინისტროს სსიპ – სახმელეთო ტრანსპორტის სააგენტოს დირექტორმა ბაკურ მიქაძემ, შეხვედრა გამართა უნგრეთის მშენებლობისა და ტრანსპორტის სამინისტროს წარმომადგენლებთან.
შეხვედრის ფარგლებში განხილული იქნა საერთაშორისო საავტომობილო სატვირთო გადაზიდვების განხორციელებისთვის აუცილებელი ნებართვების კვოტების განსაზღვრა და მათი ეფექტურად გამოყენების საკითხები.
სხდომის შედეგად, მიღწეულ იქნა შეთანხმება, რომლის საფუძველზე, საავტომობილო სატვირთო გადაზიდვების არსებული სანებართვო კვოტა 50%-ით გაიზარდა.
ორმხრივი შერეული კომისიის მომდევნო სხდომა 2026 წელს უნგრეთის დედაქალაქ ბუდაპეშტში გაიმართება.
ინფორმაციას სახმელეთო ტრანსპორტის სააგენტო ავრცელებს.