დიდი ბრიტანეთის პრემიერ-მინისტრ კირ სტარმერს ადანაშაულებენ, რომ როდესაც ის ბრიტანეთის პროკურატურას (CPS) ხელმძღვანელობდა, არასრულწლოვანთა მიმართ სექსუალურ დანაშაულში ეჭვმიტანილები გაფრთხილების შედეგად გაათავისუფლა. GB News-ის ინფორმაციით, პრემიერ-მინისტრის კრიტიკოსები ამ საკითხზე სასწრაფო პასუხებს ითხოვენ.
კრიტიკოსებმა პრემიერ-მინისტრის პოზიცია „სრულიად დაუსაბუთებლად“ გამოაცხადეს, მას შემდეგ, რაც გამოვლინდა, რომ ის ხელმძღვანელობდა „პედოფილთა ანტისოციალური ქცევის ბრძანების“ გამოყენებას, რაც ეჭვმიტანილებს საშუალებას აძლევდა, უბრალოდ გაფრთხილების საფუძველზე გათავისუფლებულიყვნენ. გამოძიების შედეგად აღმოჩენილია მისი, როგორც ბრიტანეთის მთავარი პროკურორის, მუშაობის დროინდელი დოკუმენტები, რომლებშიც აღწერილია, თუ როგორ „ადგენდა და ათანხმებდა“ სტარმერი პოლიციის უფროსებთან გამაფრთხილებელ შეტყობინებებს, რომლებიც, ინფორმატორების თქმით, არასრულწლოვანთა მიმართ ძალადობაში ეჭვმიტანილ პირებს გადაეცათ.
პრემიერის ოფისი ხაზს უსვამს, რომ გამაფრთხილებელი შეტყობინებები შედგენილია ქალთა და გოგონათა მიმართ ძალადობის წინააღმდეგ ბრძოლის ეროვნული სტრატეგიის ფარგლებში. კირ სტარმერის ადმინისტრაციის წარმომადგენელმა ხაზგასმით აღნიშნა, რომ ისინი „არ ცვლიან სისხლისსამართლებრივ დევნას“, არამედ „იცავენ ახალგაზრდების უსაფრთხოებას და ხშირად მიმდინარე გამოძიების ნაწილსაც“.