თავს ვალდებულად მივიჩნევ, საზოგადოებას დეტალურად ავუხსნა, თუ რა იმალება ტრამპის ადმინისტრაციის მხრიდან ვიქტორ ორბანის მხარდაჭერის უკან და რეალურად როგორ იმოქმედებს მოქმედი ადმინისტრაციის ქმედებები უნგრეთის არჩევნებზე,- ამის შესახებ ფილოსოფოს, ზაზა შათირიშვილის მიერ გამოქვეყნებულ წერილში ვკითხულობთ.
შათირიშვილის განცხადებით, არაფორმალური ოლიგარქიული ოჯახების ძალაუფლების საყრდენი ფული, პროპაგანდა და სამხედრო ძალაა „ნატოს“ სახით, მათი ძალაუფლება სწორედ ამ სამ ძალაზე დგას.
„პირველ რიგში, კიდევ ერთხელ გავაანალიზოთ არაფორმალური ოლიგარქიული ოჯახების, იგივე „დიპ სტეიტის“ ძალაუფლების სამი საყრდენის, ფულის ანუ დოლარის, პროპაგანდის ანუ სრულად მორჩილი მედიისა და სამხედრო ძალის, იგივე „ნატოს ალიანსის“ მნიშვნელობა მათი გეგმების შესრულების პროცესში. ოლიგარქების ძალაუფლება სწორედ ჩემ მიერ ხსენებულ სამ მთავარ ინსტრუმენტზე დგას, რომელთაგანაც სასიცოცხლოდ მნიშვნელოვანია, რომ სამივე იყოს ერთნაირად ქმედითი და ხელშეუხებელი მათი კონტროლის მიღმა მყოფი ძალებისგან. სამტკიცი აქ ბევრია – მაგალითად როდესაც ჩინეთმა შექმნა მსოფლიოში ყველაზე პოპულარული საინფორმაციო პლატფორმა „ტიკტოკი“, სადაც ოლიგარქიულ ოჯახებს ნულოვანი გავლენა ჰქონდათ და რომელიც შეიძლებოდა გამხდარიყო სიმართლის, უცენზურო სიტყვის პლატფორმა, აშშ-მა ლამის ომი გამოუცხადა ჩინურ მხარეს, სანამ მოლაპარაკების მაგიდასთან არ დასვა და საბოლოოდ გიგანტური საინფორმაციო ცენტრი „ბლეკ როკის“ შვილობილ კომპანიას არ დაუქვემდებარა,“- ვკითხულობთ წერილში.
წერილში ასევე საუბარია „დიპ სტეიტის“ მიერ დოლარის ალტერნატივის შექმნასთან დაკავშირებთ არსებული ყველა საფრთხის განეიტრალებაზე.
„ასევე საზოგადოებას კარგად ახსოვს დოლართან დაკავშირებული ნამდვილი ისტერია, რომელიც ძალიან მარტივად შეიმჩნეოდა ოლიგარქიული ოჯახებისა და მათი კონტროლის ქვეშ მყოფი ფინანსური თუ პოლიტიკური ისტებლიშმენტის მხრიდან, როცა საქმე ალტერნატიული ეკონომიკური ცენტრის, „ბრიქსის“ შექმნასა და ასევე ალტერნატიული ვალუტის შექმნას მოჰყვა. ოლიგარქებმა უამრავი დრო, ენერგია და ფული დახარჯეს იმისათვის, რომ უშუალოდ „ბრიქსის“ წევრ ქვეყნებს შეეტანათ დისონანსი ისედაც მძიმედ დაძრულ პროცესში და საბოლოოდ, ჩაშლა თუ არა, მაქსიმალური ვადით გადაედოთ „დიპ სტეიტის“ ერთ-ერთი მთავარი ფინანსური ბერკეტის, დოლარის ალტერნატივის შექმნა. ასეც მოხდა – ამ დროისთვის ოლიგარქებმა ეს საფრთხე ყველა შესაძლო მეთოდით გაანეიტრალეს,“- ვკითხულობთ წერილში.
შათირიშვილი წერილში ასევე საუბრობს ტრამპის მუქარაზე „ნატოს“ დატოვების თაობაზე, რასაც ის ბლეფს უწოდებს, რამდენადაც ისინი ერთ ძალას დაქვემდებარებული ორგანოებია.
„რაც შეეხება ოლიგარქიული ოჯახების ასევე მთავარ საყრდენს, სამხედრო ძალას, იგივე „ნატოს“, ის არათუ დაიშლება, არამედ როგორც იცით, რამდენიმე თვის წინ, სწორედ ტრამპის ხელით ალიანსის წევრ ქვეყნებს ხარჯები კიდევ უფრო გააზრდევინეს და საბოლოოდ კიდევ უფრო მეტი ფინანსური ნაკადი მიმართეს ძალის გაძლიერებაში. ამ ფონზე, ცხადია აბსოლუტური ბლეფია ტრამპის მუქარა, რომ შესაძლოა აშშ-მა ნატო დატოვოს. როგორც ადამიანი საკუთარ თავს, საკუთარ სხეულს ვერ დატოვებს, ისევე ვერ დატოვებს აშშ ნატოს, რადგან ეს ერთი და იგივეა, ერთი ძალის კონტროლს დაქვემდებარებული ორგანოებია,“- ვკითხულობთ ზაზა შათირიშვილის წერილში.