კასპის მუნიციპალიტეტში ადგილობრივი ხელისუფლებისა და საზოგადოების წარმომადგენლები მერაბ კოსტავას სახელობის სკვერში შეიკრიბნენ და 37 წლის წინ დაღუპული გმირების ხსოვნას პატივი მიაგეს. შეკრებილებმა ეროვნული გმირის ბიუსტი ყვავილებით შეამკეს.
მამა ალექსანდრემ 9 აპრილს დაღუპულთა სულის მოსახსენიებელი პანაშვიდი გადაიხადა.
ამასთან, კასპის მოსწავლე-ახალგაზრდობის სახლის აღსაზრდელებმა მხარეთმცოდნეობის მუზეუმში 9 აპრილისადმი მიძღვნილი ღონისძიება გამართეს.
9 აპრილის ტრაგედიიდან ორი წლის შემდეგ, საქართველოს რესპუბლიკის უზენაესმა საბჭომ საქართველოს დამოუკიდებლობის აღდგენის აქტი მიიღო.