„ერთი ამბავი ატეხეს აბასთუმნის თავზე ფრენების რეგულირებასთან დაკავშირებით. თან, ძირითადად, იმ „ბაბლის“ ნაწილმა, ვინც ქვეყნის ომში გახვევას და შესაბამისად ისეთივე დახურულ ცას „ესწრაფვოდა“ როგორიც დღეს უკრაინის, ირანის ან ყურის ქვეყნებშია – ახლა კი ომის პროპაგანდისტები და „ბომბების წვიმის“ გულშემატკივრები, აბასთუმანში დაწესებულ საჰაერო რეგულაციებზე აღშფოთდნენ“, – წერს ჟურნალისტი დათა გვასალია სოციალურ ქსელში.
დათა გვასალია საუბრობს იმ საერთაშორისო პრაქტიკაზე, რომელიც მსოფლიოში არსებობს და მაგალითად მოჰყავს ესპანეთის, შტატების და ზოგადად ევროპის კანონმდებლობა, რომელიც იცავს ობსერვატორიებს და გაცილებით მკაცრია.
„ერთი ამბავი ატეხეს აბასთუმნის თავზე ფრენების რეგულირებასთან დაკავშირებით. თან, ძირითადად, იმ „ბაბლის“ ნაწილმა, ვინც ქვეყნის ომში გახვევას და შესაბამისად ისეთივე დახურულ ცას „ესწრაფვოდა“ როგორიც დღეს უკრაინის, ირანის ან ყურის ქვეყნებშია – ახლა კი ომის პროპაგანდისტები და „ბომბების წვიმის“ გულშემატკივრები, აბასთუმანში დაწესებულ საჰაერო რეგულაციებზე აღშფოთდნენ. მაგრამ ეს პოსტი სხვა რამეზეა, ეს პოსტი „ლუზერების“ მიერ გამოგონილ ხავსებზეც არაა, რომელსაც ეჭიდებიან, არამედ იმ საერთაშორისო პრაქტიკაზე – რისი მოძიებაც ნებისმიერს შეუძლია და აღმოჩნდება, რომ იმაზე გაცილებით მკაცრი რეგულაციები არსებობს – ვიდრე აბასთუმნის შემთხვევაში – აქვე დავდებ სქრინებსაც. ესპანეთი – კანარის კუნძულების ცა დაცულია „ცის შესახებ“ კანონით (IAC ობსერვატორიების ასტრონომიული ხარისხის დაცვის კანონი); კანონი, რომელიც უზრუნველყოფს ხარისხიანი ასტრონომიული დაკვირვებების ოთხ აუცილებელ ასპექტს : სინათლის დაბინძურება, რადიოსპექტრის დაბინძურება, ჰაერის დაბინძურება და საჰაერო მარშრუტები. ევროპა – „Radio quiet zones around observatories“. რას მოიცავს: „რადიოდუმილის ზონა“, როგორც წესი, რადიოასტრონომიული სადგურების გარშემო წესდება. ასეთ ტერიტორიაზე სატრანსპორტო საშუალებების მოძრაობა მკაცრად შეზღუდული ან აკრძალულია; ასევე, შესაძლოა მოქმედებდეს რამდენიმე მკაცრი შეზღუდვა ელექტრონული მოწყობილობების გამოყენებაზე, ისევე როგორც ქარხნების, შენობებისა და სამშენებლო სამუშაოების არსებობაზე: ანუ, „რადიოდუმილი“ ნიშნავს რეალურ დუმილს“. შტატები – The National Radio Quiet Zone – რას მოიცავს ეროვნული რადიოდუმილის ზონა (NRQZ) ფედერალური მთავრობის მიერ გამოიყო იმ მიზნით, რომ შეიქმნას გეოგრაფიული რეგიონი მგრძნობიარე ხელსაწყოების რადიოსიხშირული ინტერფერენციისგან (RFI) დასაცავად. აქ შედის თვითმფრინავებიც, რადგან იყენებენ რადიოკომუნიკაციას, ტრანსპონდერებს, რადარს. ამას გარდა თუ მოინდომებთ ნახავთ, რომ რეგულაციები დამოკიდებული ყოფილა ტენიანობაზეც, ანუ კონკრეტულ ადგილას როგორია ტენიანობა – რაც განაპირობებს თვითმფრინავის მიერ წარმოქმნილ ე.წ. „ხელოვნურ ღრუბლებს“ და მისი გაფანტვის პერიოდს, რომელიც ხელს უშლის ობსერვატორიის სამეცნიერო პოტენციალს და დაკვირვებას“, – წერს დათა გვასალია.