გაერთიანებული სამეფოს პრემიერ-მინისტრი, ბორის ჯონსონი ვოლოდიმერ ზელენსკისთან საუბრის შემდეგ უკრაინაში მიმდინარე მოვლენებს, twitter-ის გვერდზე გამოეხმაურა.
„პრეზიდენტმა პუტინმა სისხლისღვრისა და განადგურების გზა აირჩია ამ თავდასხმით უკრაინაზე. გაერთიანებული სამეფო და მისი მოკავშირეები ამას გადამწყვეტი ნაბიჯით უპასუხებენ,“ – წერს ბორის ჯონსონი.
დღეს დილით, უკრაინაში სამხედრო ოპერაციის დაწყების შემდეგ ვოლოდიმირ ზელენსკიმ ქვეყანაში საომარი მდგომარეობა გამოაცხადა.