ახალციხეში მცხოვრებ მრავალშვილიან დედებს დედის დღე მიულოცეს

ახალციხის მუნიციპალიტეტში მცხოვრებ ახალგაზრდა მრავალშვილიან დედებს ადგილობრივი ხელისუფლების წარმომადგენლებმა დედის დღე მიულოცეს.

დღესასწაულთან დაკავშირებით, მუნიციპალიტეტის მასშტაბით მცხოვრები დედები, რომლებსაც 4 და მეტი არასრულწლოვანი შვილი ჰყავს, თვითმმართველობის წარმომადგენლებმა ოჯახებში პირადად მოინახულეს, საჩუქრად ყვავილები და საოჯახო ნივთები გადასცეს.

ღონისძიება ახალციხის მუნიციპალიტეტის მერიის კულტურის სამსახურის გენდერული თანასწორობის განყოფილების ორგანიზებით მოეწყო.

Back to top button