![](https://newspress.ge/wp-content/uploads/2022/03/90-1.jpeg)
“ქართული ოცნების” ხელისუფლებისგან მოითხოვენ ისეთი სანქციების დაწესებას, რომლებიც მოსკოვის ერთ უბანსაც კი ვერ დააზარალებენ. სამაგიეროდ, დაზარალდებიან ჩვენი თანამემამულეები რუსეთში, საქართველოს ოკუპირებულ რეგიონებში და ზიანი მიადგება საქართველოს ეკონომიკას“- წერს ანალიტიკოსი გია აბაშიძე სოციალურ ქსელში, რომელიც ირაკლი კობახიძის განცხადებას ეხმიანება.
„სააკაშვილის “შულავერის კომიტეტმა” რაც არ უნდა მილიონები ხარჯოს შინ და გარეთ საკუთარი დესტრუქციული მიზნების მისაღწევად, მაინც წაგებულია. საქართველოს სახელმწიფო, ხალხი და ხელისუფლება მეგობარი უკრაინის გვერდითაა ყველა არსებულ საერთაშორისო ფორმატში და შეჭირვების მიუხედავად, ძალუძს დაეხმაროს უკრაინელებს როგორც მათ სამშობლოში, ასევე საქართველოში. სააკაშვილის მეხუთე კოლონამ 2008 წლის რუსეთ-საქართველოს ომის შემდეგ, რუსეთისთვის სანქციები არ დააწესა და ჯეროვნად არც იმუშავა საერთაშორისო ასპარეზზე დასავლეთისგან კრემლზე სანქციების დასაწესებლად. მეტიც, მსოფლიო სავაჭრო ორგანიზაციაში გაწევრიანებაზე რუსეთს მწვანე შუქი აუნთო. ახლა კი უტიფრად მოითხოვენ “ქართული ოცნების” ხელისუფლებისგან ისეთი სანქციების დაწესებას, რომლებიც მოსკოვის ერთ უბანსაც კი ვერ დააზარალებენ. სამაგიეროდ, დაზარალდებიან ჩვენი თანამემამულეები რუსეთში, საქართველოს ოკუპირებულ რეგიონებში და ზიანი მიადგება საქართველოს ეკონომიკას. სააკაშვილის ომის პარტიის ამ ავაზაკურ გეგმას განხორციელება არ უწერია! Слава Україні! Героям Слава!“ – წერს გია აბაშიძე.