„უხერხულია არჩევნების შემსწავლელი კომისიის დასკვნის გაკრიტიკება იმ ადამიანების მხრიდან, რომლებმაც საპარლამენტო არჩევნებთან დაკავშირებით თავად გაყალბებული მონაცემები გამოაქვეყნეს“ – განაცხადა „ქართული ოცნების“ აღმასრულებელმა მდივანმა მამუკა მდინარაძემ ISFED-ის მიერ გამოქვეყნებული ანგარიშის კომენტირებისას.
მისი თქმით, ამ ორგანიზაციის წარმომადგენელმა იკადრა და გააყალბა მონაცემები, რაც რადიკალური ოპოზიციის და მათი დესტრუქციული ნაწილის ინტერესებში იყო.
„ეს მოხდა პირველად ისტორიაში, ზოგიერთმა მათმა წარმომადგენელმა იკადრა და გააყალბა მონაცემები, რაც მხოლოდ და მხოლოდ რადიკალური ოპოზიციის და მათი დესტრუქციული ნაწილის ინტერესებში იყო. ამ გაყალბების ფონზე კრიტიკა, როგორც მინიმუმ, უხერხულია მათი მხრიდან“ – განაცხადა მამუკა მდინარაძემ.