კასპში ლესელიძის ქუჩის მოასფალტება მიმდინარეობს

ქალაქ კასპში ლესელიძის ქუჩაზე ასფალტის მეორე ფენის დაგება მიმდინარეობს. ქუჩის სიგრძე 332 გრძივი მეტრია. სამუშაოების ღირებულება 341 139 ლარს შეადგენს, რომელსაც ელექტრონულ ტენდერში გამარჯვებული შპს „საგზაო სამშენებლო სამმართველო #1“ ახორციელებს.

პროექტი რეგიონალური განვითარების ფონდის და მუნიციპალიტეტის ადგილობრივი ბიუჯეტიდან დაფინანსდა.

აღსანიშნავია, რომ აღნიშნულ ქუჩაზე ასფალტი აქამდე არასდროს ყოფილა. პროექტის დასრულების შემდეგ, მოსახლეობა გაუმჯობესებული ინფრასტრუქტურით შეძლებს სარგებლობას.

Back to top button