,,სერიოზულად თუ შევხედავთ ევროპარლამენტის რეზოლუციას, ფაქტიურად სახელმწიფო გადატრიალების წაქეზებაა,” – ასე ეხმიანება ბიძინა გიორგობიანი ევროპარლამენტის მიერ, მომზადებულ რეზოლუციას.
როგორც გიორგობიანი წერს, ვინ მოამზადა და რა მიზეზებითაა გამოწვეული ეს პოლიტიკური აბსურდი, ალბათ გაირკვევა.
,,მგონი ქვეყნის მაგიერ ტელევიზიად უნდა გადავაფორმოთ საქართველო და ჩვენ ყველანი ჟურნალისტებად დავრეგისტრირდეთ. იქნებ ტელევიზიად მაინც გვაღიარონ. უფრო სერიოზულად თუ შევხედავთ ევროპარლამენტის რეზოლუციას, ფაქტიურად სახელმწიფო გადატრიალების წაქეზებაა. ვინ მოამზადა და რა მიზეზებითაა გამოწვეული ეს პოლიტიკური აბსურდი, ალბათ გაირკვევა, მაგრამ ყველა პასუხისმგებელია ამ შედეგზე. ჩვენ, ხელისუფლება და ოპოზიციაც.
ევროკავშირის კანდიდატობის მინიჭებაზე რეზოლუციას იმდენი გავლენა ვერ ექნება, რამდენადაც იგი წარმოადგენს, მომავალ პოლიტიკურ არასტაბილურობის ბაზისს საქართველოში. ჩვენ შესაძლოა ქუჩაში მოგვიწიოს ჩვენი ქვეყნის დაცვა და იმედია დავიცავთ კიდეც,” – წერს გიორგობიანი.