ლევან ნიკოლეიშვილი: რადიკალების მოქმედებები, დაწყებული ელისაშვილის მუხანათობით დამთავრებული მომიტინგეების მიერ გუშინდელი გამოხტომებით, ღრმად მწამს, რომ რეპეტიცია და ერთგვარი ვარჯიშია არჩევნების დროს სიტუაციის გამწვავებისათვის არავინ ოპოზიციიდან, არავინ რადიკალებიდან და არც მათი მედია საშუალებიდან არათუ ბოდიშს იხდის, არც გმობს ელისაშვილის მუხანათურ თავდასხმას მამუკა მდინარაძეზე. გმობს კი არა, ისეთებიც აღმოჩნდნენ, რომლებმაც სურათებიც კი გადაიღეს, მერე საქციელიც კი მოუწონეს მას. ცოტაც და ველოდებოდი სალომე ზურაბიშვილი რომელიმე ორდენზე თუ არა მედალზე მაინც წარადგენდა ელისაშვილს, – ამის შესახებ ექსპერტი ლევან ნიკოლეიშვილი სოციალურ ქსელში წერს. მისი განცხადებით, გაირკვა, რომ ყველაფერი დაგეგმილი ყოფილა და რჩება შთაბეჭდილება, რომ ეს ყველაფერი არჩევნების შემდგომი არეულობისთვის ერთგვარი რეპეტიციაა. ექსპერტის თქმით, ხელისუფლების წინაშე რამდენიმე ამოცანა დგას, მათ შორისაა “გამჭვირვალობის კანონის” მიღება, საინფორმაციო კამპანიის წარმოება როგორც საქართველოში, ისე საზღვარგარეთ და რადიკალების წინააღმდეგ პრევენციული ღონისძიებების შემუშავება. “გუშინ რაც მოხდა, ალბათ დიდხანს გვემახსოვრება, როგორც ლაქა ქართულ პოლიტიკაში. ლაქა დიდხანს რჩება, როდესაც ადამიანი არ ცდილობს მის გაწმენდა, ზუსტად ასეა, როდესაც არავინ ოპოზიციიდან, არავინ რადიკალებიდან და არც მათი მედია საშუალებიდან არათუ ბოდიშს იხდის, არც გმობს ელისაშვილის მუხანათურ თავდასხმას მამუკა მდინარაძეზე. გმობს კი არა, ისეთებიც აღმოჩნდნენ, რომლებმაც სურათებიც კი გადაიღეს, მერე საქციელიც კი მოუწონეს მას. ცოტაც და ველოდებოდი სალომე ზურაბიშვილი რომელიმე ორდენზე თუ არა მედალზე მაინც წარადგენდა ელისაშვილს. ახლა ირკვევა, თურმე ეს ყველაფერი დაგეგმილი ყოფილა, აგერ ვიღაც ლგბტ პრაიდში თურმე იძლეოდა ინსტრუქციებს ასე და ასე უნდა ვქნათო, როგორც ჩანს შემსრულებელიც შეურჩევიათ… ახლა კი ისევ უმთავრესზე უნდა გადავიდე: რადიკალების ეს მოქმედებები დაწყებული ელისაშვილის მუხანათობით დამთავრებული მომიტინგეების მიერ გუშინდელი გამოხტომებით, ღრმად მწამს, რომ რეპეტიციაა და ერთგვარი ვარჯიშია არჩევნების დროს სიტუაციის გამწვავებისათვის. მიუხედავად იმისა, რომ გუშინაც, სალომე ზურაბიშვილი და ზოგიერთი იაფფასიანი რადიკალი ცდილობდა სიტუაციის უფრო დაძაბვას, აშკარად გამოჩნდა, რომ უცხოელების მხრიდან დიდი მხარდაჭერა არც პოლიტიკური და არც ფინანსური მათ არ ჰქონდათ. გასათვალისწინებელია, რომ მათ ეს მხარდაჭერა (ორივე სახის) არა თუ სავარაუდოდ, არამედ აუცილებლად გაეზრდებათ არჩევნების პერიოდში! მანამდე კი ხელისუფლების წინაშე რამდენიმე ამოცანა დგას: – გამჭვირვალობის კანონის მიღება – საინფორმაციო კამპანიის გაშლა როგორც საქართველოში ასევე უცხოეთში – ლობისტურ ორგანიზაციებთან მუშაობა – რადიკალების წინააღმდეგ წინასწარ პრევენციული ღონისძიებები შემუშავება ყველამ უნდა გავითვალისწინოთ, მოწინააღმდეგე ძალიან მუხანათი და ყველაფერზე წამსვლელია, ისე როგორც გუშინ საკომიტეტო მოსმენის დროს. ველოდით გუშინ იმას რაც მოხდა? ალბათ, ყველა იტყვის რომ არ არ ველოდითო. ძალიან ცუდია, რომ არ ველოდით! კიდევ ერთხელ ამათგან ყველაფერს უნდა ელოდე, არც არანაირი მუხანათობა და პროვოკაცია გაგვიკვირდეს, ამიტომ სათანადოდ უნდა მოვემზადოთ, თავი დავაღწიოთ მუდმივ თავდაცვის რეჟიმში ყოფნას, საჭირო და შესაბამის დროს კი აუცილებლად შეტევაზეც უნდა გადავიდეთ!” – წერს ლევან ნიკოლეიშვილი სოციალურ ქსელში. Gvantsa Gvantsa Papavadze ლევან ნიკოლეიშვილი სააკაშვილის განცხადებაზე: მიცვალებული ისევ ადგა, ნაწამები, ნაშიმშილარი, ნასიკვდილარი, არაჟნის კონტეინერში ნამყოფი, გორის მიწის ფრჩხილებითა და კბილებით გადამთხრელი, საკუთარი ქვეყნის მოქალაქეობის უარმყოფელი, კვლავ საქართველოში შემოძურწული, ხან უკრაინელი და ხან ქართველი პოლიტიკოსი მიცვალებული ისევ ადგა!!! ნაწამები, ნაშიმშილარი, ნასიკვდილარი, არაჟნის კონტეინერში ნამყოფი, გორის მიწის ფრჩხილებითა და კბილებით გადამთხრელი, საკუთარი ქვეყნის მოქალაქეობის უარმყოფელი, – ასე ეხმიანება ექსპერტი ლევან ნიკოლეიშვილი მიხეილ სააკაშვილის განცხადებას, რომელმაც მოქალაქეებს აქციაზე წასვლისკენ მოუწოდა, ვინაიდან მისი თქმით, “საქართველოს ბედი წყდება და სახლში დარჩენა დანაშაულია.” ნიკოლეიშვილის განცხადებით, ხან უკრაინელი და ხან ქართველი სააკაშვილი, სავარაუდოდ თავის თავზეც ამბობს, “ვივამედიდან” მიტინგზე გაუშვან. “მიცვალებული ისევ ადგა!!! ნაწამები, ნაშიმშილარი, ნასიკვდილარი, არაჟნის კონტეინერში ნამყოფი, გორის მიწის ფრჩხილებითა და კბილებით გადამთხრელი, საკუთარი ქვეყნის მოქალაქეობის უარმყოფელი, კვლავ საქართველოში შემოძურწული, შემოპარული, ხან უკრაინელი და ქართველი პოლიტიკოსი, “ვივამედის” საპატიო პაციენტი, სააკაშვილი ახალ მოწოდებას ავრცელებს „სახლში დარჩენა დანაშაულიაო“. მგონი თავისთავზეც ამბობს აქ ნუ დამტოვებთ მიტინგზე გამიშვითო, აქ, საავადმყოფოში ანუ ფაქტობრივ სახლში ყოფნით ახალ დანაშაულს ნუ ჩამადენინებთო… ჰოო, ამას დანაშაულები მართლაც არ აკლია!” – წერს ნიკოლეიშვილი Facebook-ზე. 17:43 Gvantsa Gvantsa Papavadze ანრი ოხანაშვილი-საინტერესოა, რამდენად ჯდება დემოკრატიულ სტანდარტში, როდესაც ხდება მოწოდება, „მე ვისროლე მოლოტოვის კოქტეილი“ კონკრეტული ორგანიზაციების სახელით, მაშინ, როდესაც ამ ორგანიზაციების დონორები არიან “NED“ და “EED” „საინტერესოა, რამდენად ჯდება დემოკრატიულ სტანდარტში, როდესაც ხდება მოწოდება, წახალისება, რომ – „მე ვისროლე მოლოტოვის კოქტეილი“ კონკრეტული ორგანიზაციების სახელით“- ამის შესახებ იურიდიულ საკითხთა საპარლამენტო კომიტეტის თავმჯდომარემ და საპარლამენტო უმრავლესობის წევრმა ანრი ოხანაშვილმა „გამჭვირვალობის შესახებ“ კანონპროექტის განხილვისას პარლამენტის პლენარულ სხდომაზე ოპოზიციონერ დეპუტატებს სიტყვით გამოსვლისას მიმართა. „პატივცემულო ოპოზიციონერო დეპუტატებო თქვენთვის ცნობილია, რომ არსებობს ასეთი მოძრაობა „სირცხვილია“, არსებობს მოძრაობა „დროა“ და „სირცხვილიას“ ეკუთვნის ფრაზა: „მე ვისროლე მოლოტოვის კოქტეილი“. თქვენს რიგებში არის ხალხი, რომლებიც წარმოადგენდნენ კონკრეტულ ძალოვან უწყებებს და საინტერესოა, ეს რამდენად ჯდება დემოკრატიულ სტანდარტში, როდესაც ხდება მოწოდება, წახალისება, რომ – „მე ვისროლე მოლოტოვის კოქტეილი“ კონკრეტული ორგანიზაციების სახელით და მაშინ, როდესაც ამ ორგანიზაციებს ვებგვერდზე განთავსებული აქვთ, რომ მათი დონორები არიან “NED“, “EED”, სამოქალაქო საზოგადოების ფონდი“, „ჰელსინკის ფონდი“, და აი ამ ფინანსების შესახებ, რაც არ უდევს არაფერი ამ ორგანიზაციებს, უნდა იცოდეს თუ არა ჩვენმა საზოგადოებამ“-განაცხადა ანრი ოხანაშვილმა. 18:28 Gvantsa Gvantsa Papavadze ნაცმოძრაობის აქტივისტი უჩა აბაშიძე აქციის მონაწილეებს მიმართავს: პოლიციის უკანონო ბრძანებების დამორჩილების ვალდებულება მოქალაქეებს არ აქვთ, ბავშვები, ცხოველები არ წამოიყვანოთ “ნაციონალური მოძრაობის” აქტივისტი, უჩა აბაშიძე, “უცხოური გავლენის გამჭვირვალიბის შესახებ” კანონპროექტის წინააღმდეგ გასამართი აქციის მონაწილეებს მიმართავს და აცხადებს, რომ მათ პოლიციის უკანონო ბრძანებების დამორჩილების ვალდებულება არ აქვთ. აბაშიძე საპროტესტო აქციაზე წამსვლელ პირებს მოუწოდებს, არ წაიყვანონ ბავშვები და ცხოველები დღევანდელ აქციაზე. ის მოსახლეობას ასევე სთხოვს, არ დაიშალონ და სახლებში ადრე არ წავიდნენ. “ესეიგი, მეგობრებო დღეს არის 1-ელი მოსმენით განხილვა პარლამენტში შარშანაც – ასე, 1-ელი მოსმენით მიიღეს და მერე-ღა გავიაზრეთ ყველამ რო არანაირი ფინტი ეს არ იყო, “გვაჩხუბებენ და გაჩერდებიან” არ მოხდა და ა.შ. სავარაუდოდ დღესვე უყრიან კენჭს მოკლედ სავარაუდოდ – დღეს არის ის დღე, რომლის მერეც უკან დაბრუნების ვარიანტი აღარ გვექნება ისევ “მწვანეს” დააჭერენ, კანონზე რომელშიც არ წერია რომელ ქვეყნებს ეხება და რომელ, ჩვენს მოკავშირე ქვეყნებს – არ ეხება არ წერია – რომელ სფეროებს ეხება მხოლოდ და მეტი არცერთ სფეროს და “უცხოური გავლენის” დაბრალების საკმარის მიზეზად, წერია 1/5 ფულისა შემოგდის უცხოეთიდან, გამოძიება და უშიშროება და სასამართლო და დამტკიცება – არ სჭირდებათ იმავ დროულად – “ეჭვის საფუძველზე” – შეუძლიათ შემოვიდნენ, გაგიჩერონ ორგანიზაცია, ამოიღონ შენი აპარატურა და მონაცემები “მონიტორინგზე” (მათ შორის პირადი მონაცემები) და მერეეეე… “ამონიტორონ” რამდენიმე კვირა, სანამ სენ დახურული ხარ და რაღაც ტენდერებზე ვერ გახვედი, რაღაც რეპორტები დააგვიანე მერე გეტყვიან “ა, უი, არ ყოფილხარ აგენტიო” ააან გეტყვიან “ყოფილხარ აგენტი და 6 თვეში კიდევ მოვალთო” (ისედაც მოვლენ, ისევ “ეჭვის გამო” რო რამე) მოკლედ დღეს 7-ზე იწყება აქცია როცა შეძლებთ მოდით, მოიკრიბეთ შემართება აწი, სხვა გზა არაა, ისევ უნდა გვცემონ და წიწაკა გვასხან თვალებში მე ვიქნები უფრო თავისუფლების მეტროს მხარეს რუსთაველზე ბავშვები – არ წამოიყვანოთ ველოსიპედით – არ მოხვიდეთ ცხოველები – არ წამოიყვანოთ აქციიდან წასვლა არ დაიწყოთ 11 საათზე (თუ გინდა გვიან მოდით, ოღონდ დარჩით 12-მდე პირველამდე, დაშლა იწყება მაგ დროს ხოლმე და ხალხი რო მიდის, მერე “ყველა მიდის”) წამოიღეთ – ზურგჩანთით: წყალი(ბევრი) პირბადეები ან ბენდენები ან რამე სათვალეები (ძაან შველის წიწაკას) შეგახსენებთ მთავარ სტრატეგიას(და ერთადერთ, დაუმარცხებელს): რო გვიტევენ, სახლში არ მოვდივართ ანუ გადავდივართ გვერდით ქუჩაზე და ვაგრძელებთ ეგრე განეწყვეთ, ხო ნუ, გვესვრიან, დაგვიშენენ – გადავალთ გვერდით ქუჩაზე ყოველი შემდეგი მოწყობისთვის და მწყობრად წამოსვლისთვის – რამდენიმე საათი უნდათ ასევე ეფექტურია, თუ ბევრნი ვიქნებით – ორივე მხრიდან დადგომა მათ გარშემო, მაშინ ვეღარ მოძრაობენ საერთოდ (მარა ორივე მხრიდან ბევრი ხალხი უნდა იყოს, რო ვერანაირმა წყლის მანქანამ და მომარაგების-მინიბასმა შიგნი წიწაკებით, ვერ გაიაროს) გავიმეორებ: რო გვშლიან, სახლში არ გარბიხართ გადადიხართ სხვა ქუჩაზე და აგრძელებთ ძალადობას არ ვიწყებთ, თუ ვინმე ჩვენიანი ძალადობს – აჩერებთ(ბოლო ბოლო ვინმე პოლიციელს ეძახით – შემოგზავნილია დააკავეთო) ძალიან მნიშვნელოვანი “დანის წვერი” – არის რო ვიდეოზე გადაიღოთ და მრავალჯერ დააფიქსიროთ – რო ძალადობა წამოვიდა მათგან და მხოლოდ ამის მერე, დაიცავით თქვენი ჯანმრთელობა და სიცოცხლე, რამდენადაც ხიფათის ქვეშ გრძნობთ თავს ასევე – თქვენ გაქვთ უფლება, და ვალდებულება – დაიცვათ სხვა ადამიანების სიცოცხლე და ჯანმრთელობა, თქვენი შესაძლებლობების მაქსიმუმზე პოლიციის უკანონო ბრძანებების დამორჩილების ვალდებულება მოქალაქეებს არ აქვთ ასევე პოლიციისგან უკანონო ძალადობის არ მოგერიების ვალდებულებაც არ აქვთ მოქალაქეებს თუ პოლიციელი უკანონოდ გცემს და ჯანმრთელობას გიზიანებს – უფლება გაქვს შეუბრუნო ხელი და უარესად სცემო დაჟე (ძალის პროპორციულობა არ მოგეთხოვება მოქალაქეს როცა სიცოცხლის და ჯანმრთელობის საფრთხეს გრძნობ პროფესიონალის მხრიდან) მაგრამ!!! ხაზი გაუსვით აუცილებლად ჩვენ უნდა ვიყოთ მშვიდობიანი, და უნდა ვერცერთმა საერთაშორისო ორგანიზაციამ და ტელევიზიამ – ვერ თქვას რო “ჩვენ დავიწყეთ”, ამიტომ ჯობია 3-ჯერ მოითმინოთ და 3-ჯერ დააფიქსიროთ კამერაზე სანამ პასუხს გასცემთ ასევე – თუ სადღაც სხვაგან, მიტინგზე – ვინმე არღვევს კანონს, მე ეგ არ მხდის დამნაშვედ – და ჩემწინააღმდეგ ძალის გამოყენება – ისევ უკანონოა და არ აძლევს იმათ მოქმედების უფლებას თუ ვინმე კანონს არღვევს – დააკავონ მარა როცა თვითონ ასრულებენ უკანონო ბრძანებას – ვალდებული არიან არ შეასრულონ (არათუ უფლება აქვთ არ შეასრულონ) და თუკი მაინც ასრულებენ, მერე ჩვენ გვაქვს უფლება – არ დავემორჩილოთ უკანონო ბრძანებას ააან თუ ძალადობით ცდილობენ გვაიძულონ – და გზაში ჯანმრთელობის ხიფათს ვგრძნობთ (სულერთია რამდენად გვიზიანდება პროცესში, მე ვგრძნობდი რო დამიზიანდება – საკმარისია) – გვაქვს უფლება თავის დავიცვათ, პოლიციის მიერ არაკანონიერი ძალის გამოყენებისას მააააააგრამ! ვიმეორებ!!! თუ არაფერს არ იზამენ ჩვენ არაფერი არ უნდა ვქნათ!!! ელაპარაკეთ ერთმანეთს, შეაჩერეთ “პადჟიკაწელები” თუ ისინი არ დაგვიწყებენ “გაყრას” აქციიდან დაკავებას – არაფრის ჩადენის გამო წიწაკას/წყალს/მახრჩობელა ბოლს – არაფრის გამო და პროსტა იდგებიან ჩვენც პროსტა ვიდგებით უბრალოდ რაც უფრო მეტი ვიდგებით – უფრო მოუწევთ “ჩაჩოჩება” და ვოზდუხ ობში, არანაირი კანონიერი უფლება არ აქვთ არ მოგვცენ დგომის საშუალება, აქაც, 5 მეტრით იქეთაც, და იმის იქეთაც ყველაფერი ეგ, მათი მოქმედებების, უკანონობის ზღვარზე სიარულია შეუტიეთ ამაზე და გაუტრაკეთ 7-ის მერეა აქცია, ვიმეორებ, სახლებში “მალე” წასვლას – ჯობია დააგვიანეთ მოსვლა” – წერს უჩა აბაშიძე. Gvantsa Gvantsa Gvantsa Papavadze 19:21 Gvantsa Gvantsa Papavadze მამუკა მდინარაძე – დიმიტრი ჩიქოვანი და ალექსანდრე ზივზივაძე – გუშინ, ეს ბიჭები, რაციებით მოძრაობდნენ, ჯგუფებს ანაწილებდნენ და ხალხი ვერ აიყოლიეს პროვოკაციაში მამუკა მდინარაძე – დიმიტრი ჩიქოვანი და ალექსანდრე ზივზივაძე – ეს ორი ადამიანი მეთაურობს, რომ ახალგაზრდები პროვოკაციაზე წამოაგონ და პოლიციის კორდონებთან დაპირისპირებაში შეიყვანონ დიმიტრი ჩიქოვანი და ალექსანდრე ზივზივაძე – გუშინ, ეს ბიჭები, რაციებით მოძრაობდნენ, ჯგუფებს ანაწილებდნენ და ხალხი ვერ აიყოლიეს პროვოკაციაში – ამის შესახებ უმრავლესობის ლიდერმა მამუკა მდინარაძემ პარლამენტის პლენარულ სხდომაზე განაცხადა. მისი თქმით, ეს ორი ადამიანი მეთაურობს, რომ საპროტესტო აქციის მონაწილე ახალგაზრდები პროვოკაციაზე წამოაგონ და პოლიციის კორდონებთან დაპირისპირებაში შეიყვანონ. „მათ შორის, ორგანიზებას ვინც უწევს, იმასაც გეტყვით. ამაზე ინფორმაცია თქვენც გაქვთ და მეც. მაგალითად, არის ასეთი სინთეზი – ერთი მხრივ, „ნაცმოძრაობის“ მხრივ არის დიმიტრი ჩიქოვანი, ვინც ფრანკლინის კლუბთან, ამ საკითხებთან არის დაკავშირებული და მეორეს მხრივ ამ ფრანკლინის კლუბიდან „მომავლის თაობა“ თუ რაღაც ქვია, არის ალექსანდრე ზივზივაძე, გუშინაც იყო ლაპარაკი. ეს ორი ადამიანი მეთაურობს ამ დაორგანიზებას, რომ რამენაირად ახალგაზრდები, რომლებიც აპროტესტებენ, პროვოკაციაზე წამოაგონ და პოლიციის კორდონებთან დაპირისპირებაში შეიყვანონ. გუშინ, ეს ბიჭები, ვინც მე დავასახელე, რაციებით მოძრაობდნენ, ჯგუფებს ანაწილებდნენ და ხალხი ვერ აიყოლიეს პროვოკაციაში. შენ რომ იცავ, ვალდებულება გაქვს, იმიტომ, რომ შენც ისინი გაფინანსებენ. მტკიცებულებები გინდა? მე ვცდილობ, ხალხს გავაგებინო სიმართლე თქვენი სიცრუის და ბოროტების წინააღმდეგ. ყველა სიტყვას სიმართლეს ვამბობ“ – ასე მიმართა მამუკა მდინარაძემ „ნაცმოძრაობის“ თავმჯდომარე ლევან ხაბეიშვილს. როგორც მამუკა მდინარაძემ აღნიშნა, რაც მან გუშინ ილაპარაკა, ამის შესახებ შარშან დიტო სამხარაძეს ედო ფაისბუქპოსტი. „ორი რაღაც იყო ერთი და იგივე ინფორმაციაში, ვინმე ჩიქოვანმა თქვა ორი რაღაც გაბრაზებულზეო, დიტო სამხარაძე წერდა და პოსტვ-მ წელს მიაგნო. ერთი – აგინებდა ახალგაზრდებსო, სანამ 1000 ლარს არ ჩაურიცხავთ განცხადება ვერ გავაკეთებინეო და მეორე – ის ბავშვი გაპიარებული იყო, დავაგვიანეთო. თქვენ აქტივისტს მოატანინეთ, მართლა ჩაურიცხა თუ არა 1000 ლარი და გაირკვევა ყველაფერი. ჭორი რომ არ იყოს, უდანაშაულობის პრეზუმფციიდან გამომდინარე, ორი რაღაც თქვა იმ კაცმაო, ინფორმაცია იყო ასეთიო, ერთი 1000 ლარი ჩავურიცხეო და აგინა ჩხობაძესო და მეორე – რაღაც იგეგმებოდაო, გაპიარებული იყო ის ბავშვიო. ამოაღებინეთ ჩხობაძეს იმ დღეების ამონაწერი და თუ არ აქვს 1000 ლარი ჩარიცხული, ესე იგი რაღაც სიცრუესთან გვაქვს საქმე“ – განაცხადა მამუკა მდინარაძემ. 20:13 Gvantsa Gvantsa Papavadze გია აბაშიძე-რა “ძალიან ცუდ მოვლენებს” გულისხმობს ნაცრევანშისტების “გენერალი” დევი ჭანკოტაძე? უდიდესი ალბათობით, ღალატის პარტიას მორიგი მზაკვრული გეგმა აქვს შემუშავებული გაბითურებული ახალგაზრდების გამოყენებით ანალიტიკოსი გია აბაშიძე “ნაციონალური მოძრაობის“ წევრის დევი ჭანკოტაძის პლენარულ სხდომაზე გაკეთებულ განცხადებას გამოეხმაურა, რომელმაც აღნიშნა:”ჩემი, როგორც გენერლის რჩევაა, გაიტანეთ ეს კანონი. ეს გამოიწვევს ძალიან ცუდ მოვლენებს. ერთი ადამიანიც, რომ დაიღუპოს, ეს ყველაფერი ძალიან ცუდად დამთავრდება”. ანალიტიკოსის თქმით, დიდი ალბათობით, ღალატის პარტიას მორიგი მზაკვრული გეგმა აქვს შემუშავებული გაბითურებული ახალგაზრდების გამოყენებით. მისივე თქმით, სამართალდამცველნი ქვეყნის აყირავების ნებისმიერ მცდელობას და სისხლისღვრას ძირშივე აღკვეთენ. “კონკრეტულად რა “ძალიან ცუდ მოვლენებს” გულისხმობს ნაცრევანშისტების “დივანის გენერალი” ჭანკოტაძე? უდიდესი ალბათობით, ღალატის პარტიას მორიგი მზაკვრული გეგმა აქვს შემუშავებული გაბითურებული ახალგაზრდების გამოყენებით. საქართველოს საზოგადოება და მისი სახელოვანი სამართალდამცველნი ქვეყნის აყირავების ნებისმიერ მცდელობას და სისხლისღვრას ძირშივე აღკვეთენ. შეიგნეთ ეს კუთხეში მიმწყვდეულო ნაცვირთხებო!”- წერს გია აბაშიძე Facebook-ზე.

საქართველოს პარლამენტის თავმჯდომარე შალვა პაპუაშვილი ევროპის საბჭოს ადამიანის უფლებების კომისარს, მიქაელ ოფლაერტის 11 აპრილის წერილს პასუხობს, რომელშიც ოფლაერტი შეშფოთებას გამოთქვამს საქართველოს პარლამენტში ინიცირებული „უცხოური გავლენის გამჭვირვალობის შესახებ“ კანონის, გამოხატვისა და შეკრების თავისუფლებასთან შესაბამისობასთან დაკავშირებით.

როგორც პაპუაშვილი მიქაელ ოფლაერტისადმი საპასუხო წერილში წერს, კანონპროექტი შეესაბამება ადამიანის უფლებათა დაცვის ევროპულ სტანდარტებს. პაპუაშვილი აცხადებს, რომ მმართველმა გუნდმა შეისწავლა ადამიანის უფლებათა ევროპული სასამართლოს, ასევე ევროკავშირის მართლმსაჯულების სასამართლოს პრაქტიკა და სწორედ ამ პრინციპებს ეფუძნება კანონპროექტი „უცხოური გავლენის გამჭვირვალობის შესახებ“. მისივე თქმით, ამ კანონპროექტის სულისკვეთება და მთავარი მიზანი არის გამჭვირვალობის გაუმჯობესება, რაც ევროპის საბჭოსა და ქართული დემოკრატიის ერთ-ერთ საყრდენს წარმოადგენს.

„ბატონ მიქაელ ო’ფლაჰერთის
ევროპის საბჭოს ადამიანის უფლებების კომისარს
ძვირფასო კომისარო ო’ფლაჰერთი,

მადლობას გიხდით თქვენი წერილისთვის, რომელიც „უცხოური გავლენის გამჭვირვალობის შესახებ“ კანონპროექტს ეხება. წერილში რამდენიმე არგუმენტი წარმოადგინეთ თქვენი წუხილის გამოსახატავად. ამ კანონპროექტის სულისკვეთება და მთავარი მიზანი არის გამჭვირვალობის გაუმჯობესება, რაც ევროპის საბჭოს და ქართული დემოკრატიის ერთ-ერთ საყრდენს წარმოადგენს.

კანონპროექტის ამ მარტივი, მაგრამ მნიშვნელოვანი ფუნქციიდან გამომდინარე, ნება მომეცით, ვუპასუხო თქვენს რამდენიმე მოსაზრებას, რათა თქვენ სრულად იყოთ ინფორმირებული კანონპროექტის შესახებ. საერთო ჯამში, კანონპროექტი შეესაბამება ადამიანის უფლებათა დაცვის ევროპულ სტანდარტებს; იგი სათანადოდ ნათელი და განჭვრეტადია; ის არ ზღუდავს შეკრების თავისუფლებას; და ის პროპორციულია თავის ლეგიტიმურ მიზნებთან მიმართებით, მიზნად ისახავს რა უცხოურ გავლენებთან გამკლავებას პროპორციული გზით და ფუნდამენტური უფლებების სრული დაცვით.

ჩვენ სათანადოდ შევისწავლეთ ადამიანის უფლებათა ევროპული სასამართლოს (ECHR) და ევროკავშირის მართლმსაჯულების სასამართლოს პრაქტიკა. სწორედ ამ პრინციპებს ეფუძნება კანონპროექტი „უცხოური გავლენის გამჭვირვალობის შესახებ“. აღნიშნულმა სასამართლო პრაქტიკამ კიდევ უფრო გაამყარა ჩვენი სურვილი, რომ კანონით გათვალისწინებული ყოფილიყო ერთადერთი ვალდებულება ყოველწლიური ფინანსური დეკლარაციის შევსების სახით (თუ მათი უცხოური დაფინანსება მათი შემოსავლის 20%-ზე მეტია). მსგავს საქმიანობას ზოგიერთი არაკომერციული ორგანიზაცია ნებაყოფლობით უკვე აკეთებს თავიანთი ვებ-გვერდების საშუალებით.

პატივცემულო კომისარო,

ადამიანის უფლებათა ევროპული სასამართლოს გადაწყვეტილების ციტირებისას თქვენ სწორად აღნიშნეთ, რომ გამჭვირვალობის უზრუნველყოფა შეიძლება იყოს ლეგიტიმური მიზანი. ჩვენ, ასევე, ვთანხმდებით, რომ ჩარევა უნდა იყოს დასახული ლეგიტიმური მიზნის პროპორციული. ამიტომაც, კანონპროექტი ერთადერთ ვალდებულებად დაფინანსების წლიური დეკლარირებას აწესებს. წარდგენილი კანონმდებლობა არ კრძალავს რაიმე სახის საქმიანობას, ის არ და ვერ დაისახავს მიზნად სამოქალაქო სივრცის შეზღუდვას. სანაცვლოდ, ის ითვალისწინებს გამჭვირვალობისა და ანგარიშვალდებულების მოთხოვნებს, რომლებიც ეხება მნიშვნელოვანი უცხოური დაფინანსების მქონე არაკომერციულ ორგანიზაციებს (NPOs). ეს კანონი არ ვრცელდება არც ფიზიკურ პირებზე, არც სპორტის ფედერაციებზე, არც სტუდენტებზე, არც მეცნიერებზე, არც ემიგრანტებზე, არც ინდივიდუალურ მეწარმეებზე, არც კომერციულ სუბიექტებზე. ეს არის ყველაზე მინიმალური და პროპორციული ჩარევა გამჭვირვალობისა და ლობიზმის შესახებ თუნდაც ამერიკულ, ბრიტანულ, ფრანგულ ან ევროკავშირის მსგავს კანონებთან თუ კანონპროექტებთან შედარებით. მსოფლიო მასშტაბით არც ერთ სამართლებრივ სივრცეში არ არსებობს გამჭვირვალობის ამაზე უფრო მცირე ვალდებულება.

თქვენ, ასევე, აღნიშნეთ შეზღუდვებში დისკრიმინაციის აკრძალვის მოთხოვნა. ძირითადი რისკები უკავშირდება გაუმჭვირვალე და უკანონო უცხოურ დაფინანსებას, შესაბამისად, როგორც სხვა მსგავსი უცხოური კანონმდებლობის შემთხვევაში, რეგულირების სფეროს ბუნებრივად უცხო ძალა წარმოადგენს. სტიგმატიზაციის საკითხი, ასევე, გადაწყდა „უცხოური აგენტის“ „უცხოური გავლენის ინტერესების გამტარებელი ორგანიზაციით“ ჩანაცვლებით. იგი ჰგავს ევროკავშირის ფორმულირებას, რომელსაც ევროკომისია თავის კანონპროექტში (COM[2023] 637) იყენებს: „ორგანიზაცია, რომელიც მესამე ქვეყნების სახელით ინტერესების წარმომადგენლობას ატარებს“.

ადამიანის უფლებათა ევროპული სასამართლოს საქმიდან თქვენი ციტატა ადასტურებს საქართველოს კანონპროექტის მიზანს. კანონი არანაირი ფორმით არ ზღუდავს არაკომერციულ ორგანიზაციებს ე.წ. საზოგადოებრივი ვოჩდოგი ორგანიზაციების როლის შესრულებაში. საქართველოში ისინი, მართლაც, თავისუფლები არიან და ამ კანონის მიღების შემდეგაც თავისუფლები იქნებიან. მათ თავისუფლად შეეძლებათ „მოითხოვონ და მიიღონ დაფინანსება სხვადასხვა წყაროდან“. ასევე, მათი დაფინანსების მრავალფეროვნებასთან დაკავშირებითაც არ იქნება შემოღებული რაიმე სახის შეზღუდვა. განვმეორდები, არაკომერციული ორგანიზაციების ერთადერთი ვალდებულება ფინანსური დეკლარაციის ყოველწლიური წარდგენა იქნება.

პატივცემულო კომისარო,

თქვენ სწორად ახსენეთ არაკომერციული ორგანიზაციების ან სხვა სუბიექტების საქმიანობის ლეგიტიმური შეზღუდვების შესაძლებლობა, რომლებსაც ამტკიცებს მინისტრთა კომიტეტი. მათ შორის, ერთ-ერთ ასეთ სივრცედ აღნიშნულია კანონების გავრცელება „არჩევნებისა და პოლიტიკური პროცესების დაფინანსებაზე“. ნამდვილად, საარჩევნო და პოლიტიკური პროცესების დაფინანსებაში მეტი გამჭვირვალობის მიღწევა წარმოდგენილი კანონმდებლობის ერთ-ერთი ძლიერი მხარეა.
საქართველო უკვე ათწლეულებია არის უცხოური ინტერვენციის და პოლიტიკით მანიპულაციის მსხვერპლი. მზარდი ჰიბრიდული და საინფორმაციო ომისა და გეოპოლიტიკური გამოწვევების ეპოქაში, უცხოური ჩარევის გამჭვირვალობის ნაკლებობა ჩემს ქვეყანასა და საზოგადოებას მოწყვლად მდგომარეობაში ამყოფებს. პოლიტიკური პარტიების უცხოური დაფინანსება, სხვა ევროპული ქვეყნების მსგავსად, საქართველოშიც ეწინააღმდეგება კანონმდებლობას. ამის მიუხედავად, არაერთხელ გამოვლინდა პოლიტიკური პარტიების დაფინანსების ჩრდილოვანი სქემები არაკომერციული ორგანიზაციების დაფინანსების გზით, რაც არ იყო ცნობილი სახელმწიფოსა და ფართო საზოგადოებისთვის. წარმოდგენილ კანონმდებლობას აქვს გარკვეული მექანიზმები პოლიტიკურ პარტიებსა და არაკომერციულ ორგანიზაციებს შორის მსგავსი უკანონო კავშირების გამოსავლენად და თავის ასარიდებლად. ეს საკითხი განსაკუთრებით აქტუალურია 2024 წლის შემოდგომის არჩევნების წინ.

საერთო ჯამში, საზოგადოებას შეეძლება არჩევნებისა და პოლიტიკური პროცესების შესაძლო უცხოური დაფინანსების შესახებ ინფორმაციის მიღება, რაც უფრო ხელმისაწვდომი გახდება საზოგადოებისთვის, რათა მათ ინფორმირებული პოლიტიკური გადაწყვეტილებები მიიღონ. სახელმწიფო უსაფრთხოება არის არა აბსტრაქცია, არამედ თითოეული მოქალაქის ხელშესახები უფლება.
ძვირფასო კომისარო,

სამომავლო შედეგების მხრივ, აღნიშნულ კანონპროექტს აუცილებლად პოზიტიური გავლენა ექნება ქართულ არაკომერციულ ორგანიზაციებზე. იგი გაზრდის არაკომერციული ორგანიზაციების პასუხისმგებლობისა და ანგარიშვალდებულების დონეს. შესაბამისად, გაიზრდება მათი ლეგიტიმაცია, რომელიც შერყეულია პოლიტიკაში ჩარევასთან დაკავშირებული სკანდალების გამო. ასევე გაიზრდება მათდამი საზოგადოების ნდობა. საერთო ჯამში, ეს ცვლილებები გააუმჯობესებს პოლიტიკურ და საარჩევნო სისტემას საქართველოში და უზრუნველყოფს საჯარო პოლიტიკის შექმნაში არაკომერციული ორგანიზაციების უფრო ინკლუზიურ მონაწილეობას.

ზემოაღნიშნულის გათვალისწინებით, ვინაიდან წლიური ფინანსური დეკლარაცია ერთადერთი შეთავაზებული ვალდებულებაა, არ შემიძლია დავეთანხმო თქვენს წუხილს, რომ არაკომერციული ორგანიზაციები დამატებითი ანგარიშგების რთული მოთხოვნების წინაშე დადგებიან. პირიქით, კანონპროექტით შეთავაზებული მოთხოვნები მინიმალური და მარტივია. კანონის დარღვევის შემთხვევაში მხოლოდ ჯარიმაა გათვალისწინებული. შესაბამისად, ნათელია, რომ სახელმწიფოს მიერ ჩარევა არის მინიმალური და ლეგიტიმური მიზნის პროპორციული, განსაკუთრებით, სხვა მსგავს უცხოურ კანონმდებლობებთან შედარებით.
ძვირფასო კომისარო,

გასულ წელს აღნიშნული კანონპროექტის გაწვევის ერთ-ერთი მთავარი მიზეზი იყო იმაზე შეთანხმება და იმის გააზრება, რომ ქართული და უცხოური ორგანიზაციები პროაქტიულად გაასაჯაროებდნენ ინფორმაციას თავიანთ დაფინანსებაზე. ვცადეთ, ნებაყოფლობით საფუძველზე მთავარ დონორ ორგანიზაციებთან პარტნიორობა, თუმცა, ჩვენი მცდელობების მიუხედავად, მდგომარეობა გაუარესდა. საქართველოში სამწუხარო რეალობაა, რომ ზოგიერთი არაკომერციული ორგანიზაცია აგრძელებს გამჭვირვალობის მოთხოვნებისთვის გვერდის ავლას და პოლიტიკურ, ეკონომიკურ და უსაფრთხოების პროცესებზე ფარულ ზეგავლენას.
ძვირფასო კომისარო ო’ფლაჰერთი,

ჩვენ ღია ვართ ინკლუზიური და არსებითი დისკუსიებისთვის, რა დროსაც შეგვეძლება არგუმენტებიდან ღირებული დასკვნების გამოტანა და არა უსაგნო იარლიყების სროლა. აგრეთვე, გარწმუნებთ, საკანონმდებლო პროცესი რამდენიმე კვირის მანძილზე ჩვეულებრივი პროცედურით წარიმართება. უნდა უზრუნველვყოთ ის, რომ კანონის კონკრეტული შინაარსი საპარლამენტო დისკუსიების საფუძველზე გამოიკვეთოს.

საჯარო პოლიტიკის წარმოებაში ჩართული ორგანიზაციების გამჭვირვალობა ყოველთვის კარგია. იგი მხოლოდ განამტკიცებს საქართველოს დემოკრატიულ ფუნდამენტს. აღნიშნული კანონპროექტი არათუ უბრალოდ სასურველი, არამედ აუცილებელია გამჭვირვალობის და ეკონომიკური, პოლიტიკური და უსაფრთხოების პროცესების ღიაობის გაზრდისთვის.
პატივისცემით,
შალვა პაპუაშვილი
საქართველოს პარლამენტის თავმჯდომარე“, – აღნიშნულია წერილში.