„არ ვწერ ხოლმე კომენტარებს, მაგრამ იყოს ეს ერთი, საგამონაკლისოდ – ეს ფეიკი გახარიაც რა უშუალო ყოფილა. ახლა სერიოზულად: კი, არავითარი ანუ, თქვენ, მთელი პარტია ემსახურებით „ნაცებს“, – ასე უპასუხა „ქართული ოცნების“ აღმასრულებელმა მდივანმა, მამუკა მდინარაძემ „გახარიას“ პარტიის წევრის, კახაბერ ქემოკლიძის მიერ სოციალურ ქსელში დაწერილ კომენტარს: „მე ვარ რუსეთისთვის ტერიტორიების ჩამბარებელი და შენ ხარ ჩვენი ტერიტორიების დამცველი?! ამის თქმა გინდა ანუ?!“
მდინარაძის განცხადებით, გახარიას პარტია ემსახურება „ნაციონალურ მოძრაობას“, რომელმაც, მისივე თქმით, საქართველოს ტერიტორიები რუსეთს ჩააბარა, ხელი მოუწერა ომის დაწყებაზე და საკუთარ სამხედროებს ომის დანაშაულიც დააბრალა.
მისი თქმით, ასევე კოორდინირებულად ავრცელებს ორივე პარტია შალვა პაპუაშვილის მიერ ბრიფინგზე გამოყენებული საქართველოს რუკის შესახებ ყალბ ინფორმაციასაც.
„არ ვწერ ხოლმე კომენტარებს, მაგრამ იყოს ეს ერთი, საგამონაკლისოდ – ეს ფეიკი გახარიაც რა უშუალო ყოფილა. ახლა სერიოზულად: კი, არავითარი ანუ, თქვენ, მთელი პარტია ემსახურებით ნაცებს, რომლებმაც ტერიტორიები რუსეთს ჩააბარეს, ხელი მოუწერეს ომის დაწყებაზე და საკუთარ სამხედროებს ომის დანაშაული დააბრალეს. რუკაზე ფეიკსაც თქვენ და „ნაცები“ წამების და წუთების განსხვავებით, კოორდინირებულად ავრცელებთ“, – წერს მამუკა მდინარაძე.