„მიხეილ ყაველაშვილი, პირველ რიგში, ქართული ინტერესების გამტარი პრეზიდენტი იქნება, რომელიც იმ ნაბიჯებს გადადგამს, რაც ჩვენი ქვეყნის გაერთიანებას, წინსვლასა და სუვერენიტეტის გაძლიერებას მოხმარდება“, – ამის შესახებ მედიასთან უმრავლესობის წევრმა დაჩი ბერაიამ განაცხადა მიხეილ ყაველაშვილის საქართველოს პრეზიდენტობის კანდიდატად დასახელების შეფასებისას.
მისი თქმით, მიხეილ ყაველაშვილი ყოველთვის საქართველოს ინტერესებს დაიცავს.
„დარწმუნებული ვარ, რომ მიხეილ ყაველაშვილი უცხო ძალების გავლენის ქვეშ არასდროს მოექცევა და საქართველოს ინტერესებზე წინ სხვა ქვეყნის ინტერესებს არასდროს დააყენებს“, – აღნიშნა დაჩი ბერაიამ.