ძლიერმა ნალექმა ონის მუნიციპალიტეტი დააზარალა

ღამით მოსულმა ძლიერმა წვიმამ და ქარმა ონის მუნიციპალიტეტის სოფელ გლოლაში დააზიანა ელგადამცემი სადენები და მოსახლეობის კუთვნილ საცხოვრებელ სახლებს გადახადა სახურავები.

მუნიციპალიტეტის მერიის პრესსამსახურის ინფორმაციით, ადგილზე ოპერატიულად მობილიზებული იყო საგანგებო სიტუაციების მართვის სამსახური, რომელმაც პირველადი დახმარება გაუწია დაზარალებულ ოჯახებს.

ვითარებას ადგილზე გაეცნო ონის მუნიციპალიტეტის მერი სერგო ხიდეშელი, მოადგილესთან გიორგი ნოდარიშვილთან ერთად. გაესაუბრა ადგილობრივ მოსახლეობას და დაზარალებულ ოჯახებს საჭირო დახმარებას დაპირდა.
შექმნილია სტიქიის სალიკვიდაციო კომისია, მიმდინარეობს ზარალის დათვლა და უახლოეს დროში განხორციელდება შესაბამისი ღონისძიებები.

Back to top button