საქართველოს ჯანმრთელობისა და სოციალური დაცვის მინისტრი, ეკა ტიკარაძე თანამდებობას ტოვებს.
ამის შესახებ მან დღეს, “ქართული ოცნების” ოფისში გამართულ ბრიფინგზე განაცხადა.
ეკა ტიკარაძემ მადლობა გადაუხადა სამედიცინო პერსონალს, ვინც ბოლო წლების უმთავრეს გამოწვევას, კოვიდ პანდემიას უმკლავდებოდა, აგრეთვე სამინისტროს ყველა თანამშრომელს და საზოგადოებას, რომლებიც, მისი თქმით, დაწესებულ რეგულაციებს გაგებით ეკიდებოდნენ.
ეკა ტიკარაძე ჯანდაცვის მინისტრის პოსტს 2019 წლის 18 ივნისიდან იკავებდა.