გერმანიის ეკონომიკა 2026 წელს მნიშვნელოვანი შეშფოთებით ხვდება. ifo-ს, DIW-სა და RWI-ს კვლევები აჩვენებს, რომ კომპანიების უმრავლესობა სტაგნაციას და უკუსვლას ელის, – ამის შესახებ გერმანული გამოცემა წერს.
გამოცემის მიხედვით, მიუხედავად იმისა, რომ ზოგიერთი ინდიკატორი სტაბილიზაციისკენ მიუთითებს, კომპანიებში სკეპტიციზმი ჭარბობს.
ამას აჩვენებს ifo ინსტიტუტის, გერმანიის ეკონომიკური კვლევების ინსტიტუტისა (DIW ბერლინი) და RWI – ლაიბნიცის ეკონომიკური კვლევების ინსტიტუტის ბოლოდროინდელი კვლევები, რომლებიც გადაზიდვების ეკონომიკისა და ლოგისტიკის ინსტიტუტთან (ISL) თანამშრომლობით ჩატარდა. საერთო სურათი ასეთია: ეკონომიკამ დროებით შეაჩერა ვარდნის ტენდენცია, თუმცა აღდგენამდე ჯერ კიდევ შორია.
ifo ინსტიტუტის ბოლოდროინდელი კვლევის თანახმად, გერმანული კომპანიების დაახლოებით 26 პროცენტი 2026 წელს მათი ბიზნეს მდგომარეობის გაუარესებას ელის. უმრავლესობა – 59 პროცენტი – ეკონომიკური სიტუაციის უცვლელად დარჩენას პროგნოზირებს, მხოლოდ 14.9 პროცენტი იმედოვნებს ბიზნესის გაუმჯობესებას. IFO-ს კვლევების ხელმძღვანელის, კლაუს ვოლრაბეს აზრით, ეს აშკარა სიგნალია: „კომპანიები ძალიან ფრთხილობენ – ოპტიმიზმის არანაირი ნიშანი არ ჩანს“.