ქალაქ კასპში საგზაო ინფრასტრუქტურის მოწყობის სამუშაოები აქტიურად მიმდინარეობს.
კასპის მუნიციპალიტეტის მერმა ვახტანგ მაისურაძემ, საკრებულოს თავმჯდომარე შოთა ბეგლარაშვილთან და ადგილობრივი თვითმმართველობის წარმომადგენლებთან ერთად, მაზნიაშვილის ქუჩაზე მიმდინარე სამუშაოები დაათვალიერა.
ამ ეტაპზე პროექტის ფარგლებში რკინა-ბეტონის დამცავი კედლის მოწყობა მიმდინარეობს.
პროექტი ითვალისწინებს ასევე საფეხმავლო ბილიკების, ბაზალტის ბორდიურების, გზის მიერთებებისა და ეზოებში შესასვლელების მოწყობას, რის შემდეგაც ქუჩაზე ორფენიანი ასფალტ-ბეტონის საფარი დაიგება.
მაზნიაშვილის ქუჩა ქალაქისთვის ერთ-ერთი მნიშვნელოვანი მონაკვეთია, იგი არის უმოკლესი გზა ქალაქის ერთ-ერთ ცენტრალურ – აღმაშენებლის ქუჩასთან დასაკავშირებლად.