შპს „საქართველოს მელიორაციამ“ საგარეჯოს მუნიციპალიტეტში, სოფელ იორმუღანლოში, სარწყავი არხის სარეაბილიტაციო სამუშაოები დაასრულა.
პროექტის ფარგლებში არხის 2 100-მეტრიანი მონაკვეთი დანალექი გრუნტისა და ხე-ბუჩქნარისგან გაიწმინდა, ასევე მოეწყო გადასასვლელი მილხიდი. ჩატარებული სამუშაოების შედეგად, მნიშვნელოვნად გაიზარდა არხის გამტარუნარიანობა, რაც 150 ჰექტარ სასოფლო-სამეურნეო მიწის ფართობზე წყალუზრუნველყოფას გააუმჯობესებს.
აღდგენილი საირიგაციო არხით საგარეჯოს მუნიციპალიტეტის შვიდი სოფლის – დუზაგრამის, წიწმატიანის, მუღანლოს, ქეშალოს, ლამბალოს, თულარისისა და კაზლარის მოსახლეობა ისარგებლებს.
სარწყავი ინფრასტრუქტურის გამართული ფუნქციონირებისა და ფერმერებისთვის სარწყავი წყლის სტაბილური მიწოდების უზრუნველსაყოფად, შპს „საქართველოს მელიორაცია“ ქვეყნის მასშტაბით ინტენსიურად აგრძელებს სარეაბილიტაციო და საექსპლუატაციო სამუშაოებს.