„სამწუხაროდ, ეს ის ძალაა ევროკავშირში და იმ მმართველობით ელიტაში, რომელიც გვეუბნებოდა რომ „მოლოტოვის კოქტეილის“ სროლა დემოკრატიის პრინციპი და გამოხატვის თავისუფლებაა“, – ამის შესახებ საპარლამენტო უმრავლესობის ლიდერმა ირაკლი კირცხალიამ „ალდეზე“ საუბრისას განაცხადა.
კირცხალია იმედოვნებს, რომ ევროკავშირი დაუბრუნდება ევროპულ ფასეულობებს.
„თურმე ინსტიტუციური შენობების ძალადობრივი აღება, ესეც გამოხატვის თავისუფლებაა. გვაქვს მოლოდინი, რომ ევროპულ ბიუროკრატიაში და მმართველ ელიტებში დაბრუნდება ის ევროპული ფასეულობები ღირებულებები, რაზედაც ისტორიულად ევროპა იდგა“, – განაცხადა კირცხალიამ.