კასპის სოფელ ბოჟამში ასფალტის მეორე ფენის დაგება დასრულების პროცესშია

კასპის მუნიციპალიტეტის გამყოფი ხაზისპირა, მაღალმთიან  სოფელ ბოჟამში  მისასვლელი გზის მოწყობა/მოასფალტების პროექტის   ფარგლებში ასფალტის მეორე ფენის დაგება დასრულების პროცესშია.

ასფალტის დაგებამდე მოეწყო გზის საფუძველი და რკინა ბეტონის კიუვეტები.ასევე დაგეგმილია  გზის გადამკვეთების და ეზოში შესასვლელებზე ცხაურის მოწყობა.

სოფელ ბოჟამთან მისასვლელი 2 567 გრძივი მეტრი გზის  რეაბილიტაციას შპს „ენ-დი როუდი“ ახორციელებს, რომელიც მაღალმთიანი    დასახლებების განვითარების ფონდიდან ფინანსდება და მისი ღირებულება  1 225 655 ლარია.

როგორც კასპის მუნიციპალიტეტის მერმა ვახტანგ მაისურაძემ განაცხადა „საგზაო ინფრასტრუქტურის განვითარება მერიისთვის  პრიორიტეტულია, განსაკუთრებით კი სოფლად მისასვლელი რათა მოსახლეობას ეს პრობლემა არ აწუხებდეს“.

Back to top button