„ხალხის ძალის“ წევრი, ანალიტიკოსი დავით ქართველიშვილი დასავლეთში მიმდინარე აქციებსა და დასავლელი სამართალდამცველების მიერ გამოყენებულ ძალაზე სოციალურ ქსელში წერს.
მისი თქმით, დასავლელი პოლიცია იქაურ დემონსტრანტებს ყოველდღე „თავ-ყბას უმტვრევს“ და ამის შესახებ ქართული ოპოზიცია არ წუხს.
„მოდით რა, აკერმანის ცრემლებით ნუ აგვატირებთ თქვენი პლაკატებით, სადაც „ფერადი” სამყარო უპირისპირდება „შავბნელ” ძალებს. ეგენი სახლებში ჩამოკიდეთ და აგერ ჩემგან საჩუქარი კიდო: „ფერადი” დასავლელი პოლიცია იქაურ „შავბნელ” დემონსტრანტებთან ჩახუტების დროს. ესეც გქონდეთ. ბევრი წვალება არ დამჭირდა ამ პოსტერის მომზადებისას – ყოველდღე უმტვრევენ თავ-ყბასა და ნეკნებს თქვენს დასავლელ კოლეგებს. ამიტომ, გპირდებით – ყოველდღე ახალ-ახალს მოგართმევთ. ოღონდ ჩასისხლიანებული ახალგაზრდების სურათებს ვერიდები, თქვენი „ფეისკონტროლი” მიბლოკავს, ეს „ფეიკიო” დასავლეთის პოლიციაზე საიდან მოგაქვსო. ისე, ერთხელ მაინც გამოხატეთ მხარდაჭერა დასავლელი ბავშვების მიმართ. ნუ, „შინევროპული” სოლიდარობის პონტში…“, – წერს დავით ქართველიშვილი.