გარემოსდაცვითი ინფორმაციისა და განათლების ცენტრის ორგანიზებით, მონტესორის პირველ საერთაშორისო ბაღში გარემოსდაცვით საკითხებზე შეხვედრა გაიმართა. ღონისძიებაში ბაღის აღსაზრდელები მონაწილეობდნენ.
შეხვედრის ფარგლებში ბავშვებმა მარტივი და სახალისო ფორმით მიიღეს ინფორმაცია ბუნების დაცვის, სუფთა გარემოს მნიშვნელობისა და ნარჩენების სწორად მართვის შესახებ. პატარებმა ასევე ისაუბრეს იმაზე, თუ როგორ შეიძლება ყოველდღიურად იზრუნონ გარემოზე.
მსგავსი შეხვედრები მიზნად ისახავს ბავშვებში გარემოსდაცვითი ცნობიერების ამაღლებას და ეკომეგობრული ჩვევების წახალისებას ადრეული ასაკიდან.