ქალაქ კასპში, კელაპტრიშვილის ქუჩაზე მიმდინარე სარეაბილიტაციო სამუშაოები კასპის მუნიციპალიტეტის მერმა ვახტანგ მაისურაძემ, საკრებულოს თავმჯდომარე შოთა ბეგლარაშვილთან ერთად დაათვალიერა.
პროექტის ფარგლებში, 693 გრძივ მეტრ მონაკვეთზე ამ ეტაპზე მოსამზადებელი სამუშაოები მიმდინარეობს — ეწყობა რკინა-ბეტონის კიუვეტები და სანიაღვრე ღარები. ასევე, დაგეგმილია ასფალტ-ბეტონის საფარის დაგება და ეზოებში შესასვლელების მოწყობა.
სამუშაოების დასრულების შემდეგ ადგილობრივი მოსახლეობა უსაფრთხო, მოწესრიგებული და კომფორტული საგზაო ინფრასტრუქტურით ისარგებლებს.