კასპის მუნიციპალიტეტში სპორტული ინფრასტრუქტურის განვითარება აქტიურად გრძელდება.
კოდისწყაროს ადმინისტრაციული ერთეულის სოფელ ჩობალაურში ხელოვნურსაფარიანი სპორტული მოედნის მოწყობა მიმდინარეობს.
სამუშაო პროცესს კასპის მუნიციპალიტეტის მერი ვახტანგ მაისურაძე, საკრებულოს თავმჯდომარე შოთა ბეგლარაშვილთან და ადგილობრივი თვითმმართველობის წარმომადგენლებთან ერთად გაეცნო.
ამ ეტაპზე მოედანზე ბეტონის საფარი იგება. პროექტის ფარგლებში ასევე დაგეგმილია ხელოვნური საფარის დაგება, საკალათბურთო ფარებისა და საფეხბურთო კარების დამონტაჟება, ასევე გარეგანათების სისტემის მოწყობა.
„სპორტული ინფრასტრუქტურის მშენებლობას ინტენსიურად ვახორციელებთ, რადგან ჩვენი მიზანი ჯანსაღი ცხოვრების წესის დამკვიდრება და ახალგაზრდებში სპორტული მიღწევების ხელშეწყობაა“, — აღნიშნა მუნიციპალიტეტის მერმა.
პროექტი ადგილობრივი ბიუჯეტის დაფინანსებით ხორციელდება.