ქალაქ კასპში დასრულდა კელაპტრიშვილის ქუჩის რეაბილიტაცია.
კასპის მუნიციპალიტეტის მერი ვახტანგ მაისურაძე, საკრებულოს თავმჯდომარესთან შოთა ბეგლარაშვილთან ერთად საგზაო ინფრასტრუქტურის დასრულებულ სამუშაოს გაეცნო.
პროექტის ფარგლებში, 693 გრძივ მეტრ მონაკვეთზე დაიგო ასფალტ/ბეტონის საფარი, მოეწყო რკინა-ბეტონის კიუვეტები, სანიაღვრე ღარები და ეზოებში შესასვლელები.
განხორციელებული სამუშაოების შედეგად, ადგილობრივი მოსახლეობა კეთილმოწყობილი და უსაფრთხო საგზაო ინფრასტრუქტურით ისარგებლებს.