ყოფილი „ვითომ სახალხო დამცველი“ ყველაზე რეიტინგულ არხს „იმედს“ არ აღიარებს, „აბულინგებს“ ჟურნალისტებს და თან ევროპულ სტანდარტებზე გვესაუბრება – ვლადიმერ ბოჟაძე ლომჯარიაზე

„უფლებადამცველი ნინო ლომჯარია არ აღიარებს მედიას, „აბულინგებს“ ჟურნალისტებს და თან ევროპულ სტანდარტებზე გვესაუბრება. სამაგიეროდ აღიარებდა ნიკა გვარამიას მიერ გაძარცვულ და გაკოტრებულ „რუსთავი 2-ს“, ქართული ჯარისთვის მოპარული ფულით შექმნილ „ფორტუნას“, გაურკვეველი ფინანსებით გაძლიერებულ ტყუილის და ცილისწამების სიმბოლოს „ტვ პირველს“!- ამ სიტყვებით ეხმაურება თბილისის საკრებულოს უმრავლესობის წევრი ვლადიმერ ბოჟაძე ყოფილი სახალხო დამცველის ნინო ლომჯარიას ფეისბუკსტატუსს, რომლის თანახმად ლომჯარიამ აღნიშნა, რომ არ დადგება იქ, სადაც „ქართული ოცნება“ იქნება და არ აპირებს მათ მიესალმოს.

„ყოფილი „ვითომ სახალხო დამცველი“ თურმე არ აღიარებს „იმედს“ და „პოსტივის“, მათ ჟურნალისტებს და თანამშრომლებს, არ თვლის თურმე ადამიანებად! არ აღიარებს 2007 წელს დარბეულ, მიწასთან გასწორებულ, მეპატრონისთვის წართმეულ და 2013 წელს ბადრი პატარკაციშვილის ოჯახისთვის დაბრუნებულ, ყველაზე რეიტინგულ არხს არ აღიარებს! უფლებადამცველი ნინო ლომჯარია არ აღიარებს მედიას, „აბულინგებს“ ჟურნალისტებს და თან ევროპულ სტანდარტებზე გვესაუბრება. სამაგიეროდ აღიარებდა, ასევე მეპატრონისთვის წართმეულ და ნიკა გვარამიას მიერ გაძარცვულ და გაკოტრებულ „რუსთავი 2-ს“, „ნაციონალური მოძრაობის“ პრესსამსახურს „მთავარი არხს“ ქართული ჯარისთვის მოპარული ფულით შექმნილ „ფორტუნას“, გაურკვეველი ფინანსებით გაძლიერებულ ტყუილის და ცილისწამების სიმბოლოს „ტვ პირველს“!

„აღარ ვაღიარებ ღიად რუსული პროპაგანდის საშუალებებს, როგორიცაა „იმედი“, „პოსტ ტვ“ და „ალტ ინფო“ – დასძინა ლომჯარიამ.