საკონსტიტუციო სასამართლოს გადაწყვეტილება შეაფასა სოციალურ ქსელში „ხალხის ძალია“ წევრმა ზურაბ ქადაგიძემ და „სასიცოცხლოდ მნიშვნელოვანი გადაწყვეტილება“ უწოდა.
„ძალიან სწორი და სასიცოცხლოდ მნიშვნელოვანი გადაწყვეტილებაა! ერთი, როგორც სახელმწიფოებრივად აუცილებელი, რადგან არავინაა კონსტიტუციაზე მაღლა და ნებისმიერი თვითშემოქმედება სახელმწიფოს უმაღლეს კანონთან, აუცილებლად უნდა შეფასდეს ასე. და მეორე, პოლიტიკური – უმრავლესობის მიერ მხარდაჭერილი ზურაბიშვილი, რომელმაც ქართული ოცნების ელექტორატი გამოიყენა საარჩევნოდ, ხოლო პირველივე შემთხვევის დროს უგულებელყო საკუთარი ამომრჩეველი და მეტიც, საკუთარი ვიწრო მერკანტილური მისწრაფებების გამო კონსტიტუციაც კი დაარღვია, სამაგალითოდაა დასასჯელი, რადგან სხვა ნებისმიერი თანამდებობის პირმა ვერ გაბედოს საქართველოს უმაღლესი კანონის უგულებელყოფა და უფლებამოსილების, საკუთარი მიზანშეწონილობით გამოყენება.
ძალიან მართებულად მოიქცა ქართული ოცნება, საკონსტიტუციოს როდესაც მიმართა, ხოლო ახლა პარლამენტი გამოუცხადებს თუ არა იმპიჩმენტს სალომე ზურაბიშვილს, მეორეხარისხოვანია, რადგან საკონსტიტუციო სასამართლომ მოახდინა ფაქტის კონსტატირება, რომ პრეზიდენტმა დაარღვია კონსტიტუცია! სასჯელად კი ისიც ეყოფა, თავი ყველაზე მაღალი ეგონა და ახლა ყველაზე უპერსპექტივო, ჩამოლაბორანტებული პოლიტიკოსი გახდა.
ამ ყველაფრის შემდეგ, თავმოყვარე ადამიანი გადადგებოდა, თუმცა სად სალომე და სად თავმოყვარეობა?!“ – წერს ზურაბ ქადაგიძე.